В парламенте
Андрей Находкин: Чыамайыкыга дьону долгутар боппуруостарга кэпсэтии буолан ааста
 Тохсунньу 24 күнүгэр Мэҥэ-Хаҥалас уһук сытар Чыамайыкы нэһилиэгин олохтоохторун кытта сиртэн хостонор баайы чинчийии үлэлэрин туһунан кэпсэтии буолан ааста. Көрсүһүү Ил Түмэн Судаарыстыбаннай сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Андрей Находкин көҕүлээһининэн ыытылынна.
Нэһилиэнньэни кытта атах тэпсэн олорон кэпсэтиигэ СӨ бырамыысаланнаһын уонна геологиятын миниистирин солбуйааччы Андрей Сычевскай, СӨ экология, айылҕаны туһаныы уонна ойуур хаһаайыстыбатын миниистирин солбуйааччы Николай Додохов, «Якутскгеология» тэрилтэтин салайааччы дириэктэрэ Алексей Андреев, бу тэрилтэ эппиэттээх үлэһиттэрэ, Мэҥэ-Хаҥалас уонна Амма улууһун салалтата, дьокутааттара, уопсастыбанньыктар кыттыыны ыллылар.
Санатан эттэххэ, «Якутскгеология» тэрилтэ Чыамайыкы сиригэр уонна ыаллыы Амма улууһун кыраныыссатыгар чинчийии үлэтин ыытара олохтоох нэһилиэнньэ ортотугар элбэх ыйытыгы үөскэтэр.
«Якутскгеология» салайааччы дириэктэрэ Алексей Андреев былаан быһыытынан миэстэтигэр ыытыллар үлэ 2026 сылга түмүктэниэхтээх, ол кэннэ ыытыллыбыт чинчийии үлэтин түмүгүнэн салгыы үөрэтэн, ырытан быһа холоон 2030 сылга бу бырайыак экономика өттүнэн төһө туруктааҕын ааҕан-суоттаан эрэ баран түмүк тахсарын туһунан иһитиннэрии оҥордо. Кини быһаарбытынан «Якутскгеология» АУо чинчийэр үлэлэри 2024 сылтан ыытан саҕалаабыт. Кинилэр бу үлэ түмүгүнэн үөрэтэн-чинчийэн баран ханнык кимберлитовай туруупка промышленнай кээмэйгэ эппиэттэһэрин чуолкайдыахтаахтар. Ол түмүгүнэн 2027 сылга отчуот түмүллүөхтээх. Бу чинчийэн, үөрэтэн көрүү түмүгүнэн алмааһы хостооһун саҕаланар түгэнигэр 5-10 сыл иһинэн үлэ саҕаланыан сөп диэн иһитиннэрдилэр. Онон билиҥҥитэ Чыамайыкы сиригэр-уотугар промышленнай үлэ саҕаланыа, эбэтэр саҕаланыа суоҕа диэн этэр эрдэ.
Мунньах сүнньүнэн нэһилиэнньэттэн киирбит ыйытыктарга хоруй бэрилиннэ,
ону таһынан мустубут дьон тайаҕы бултааһын сиэрэ суох элбээбитин, манна хонтуруол күүһүрэрин, олохтоох нэһилиэнньэ санаата, этиитэ булт болдьоҕор учуоттаныахтааҕын туһунан этиннилэр.
Ил Түмэн Судаарыстыбаннай Мунньаҕын сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Андрей Находкин мунньах түмүгүнэн санаатын үллэһиннэ
-- Мэҥэ Хаҥалас Чыамайыкытыгар сир баайын чинчийии үлэтэ саҕаламмыта балайда буолла. Бастакы мунньаҕы биһиги 2020 сыллаахха тэрийэн ыыппыппыт. Бу чинчийии 2755 кв.м. иэннээх сиргэ Амма, Мэҥэ Хаҥалас уонна Хаҥалас улуустарын территорияларын таарыйар. Онон сибээстээн алмаас хостооһуна саҕаланар диэн сурах нэһилиэнньэ ортотугар элбэх кэпсэтиини таһаарбыта. Биһиэхэ быыбардааччыларбыт бу хайысханнан элбэх ыйытыгы туруоралларынан сибээстээн маннык утарыта көрсөн олорон кэпсэтии, быһаарсыы хайаан да наада дии саныыбын. Ил Түмэн ылыммыт сокуонунан сир баайын хостооһун барар да түгэнигэр этнологическай экспертиза оҥоһуллан уонна олохтоох нэһилиэнньэни (уопсастыбаннаһы) кытта көрсөн маннык дьүүллэһии барыахтаах. Итинник хардарыта аһаҕас кэпсэтиилэр социальнай тыҥааһын суох буолуутугар олук уураллар. Билигин чинчийии үлэтэ бара турар, онон сир баайын хостооһун саҕаланыа диэн билигин тугу эмит этэр эрдэ. Ол туһунан «Якутскгеология» салайааччылара бэйэлэринэн кэлэн дьону кытта атах тэпсэн олорон кэпсэтэн сөптөөх быһаарыы биэрдилэр. Мунньах түмүгүнэн киирбит этиилэргэ олоҕуран ыытылла турар үлэлэргэ уопсастыбаннай хонтуруол тэрийэр туһунан, итиэннэ маннык көрсүһүүлэри сылын ахсын ыытыахпыт диэн быһаарыы ылылынна, - диэн кини иһитиннэрдэ.
Ил Түмэн пресс-киинэ
2025-01-27 07:56:20 Всего просмотров: 613 Поделиться: 
Ссылки по ключевым словам:
2026-10-01 05:30:44 - Андрей Николаев прокомментировал конституционную инициативу об отмене ограничений по числу сроков для Главы Якутии 2026-08-07 08:41:08 - Александр Подголов: активная жизненная позиция ветеранов Жатая 2026-08-07 08:38:12 - В селе Майя пройдёт иммерсивный фестиваль «Андросов FEST» к 75‑летию В. Т. Андросова 2026-07-31 19:43:15 - «Это уникальный случай»: Александр Иванов — о 50-летии триумфа на Олимпийских играх 2026-07-29 07:09:49 - На дальней станции скажу… на другой услышат. Начальник дистанции связи Андрей Пьянников знает, как говорит железная дорога
2026-06-06 20:15:18 - «Хочу поблагодарить себя». Россиянка Андреева выиграла «Ролан Гаррос», став самой юной чемпионкой турнира за последние десятилетия 2026-05-28 10:49:27 - Андрей Находкин: Мы предлагаем расширить круг членов семей погибших участников СВО, имеющих право на бесплатное получение земельного участка 2026-04-30 10:19:13 - Александр Атласов обсудил в Москве вопрос о инициировании внесения изменений в Правила противопожарного режима в РФ 2026-03-26 06:29:54 - Полномочия депутата Ил Тумэна Александра Иванова* прекращены досрочно в связи с приобретением статуса иностранного агента 2026-02-25 13:37:15 - Парламент Якутии выразил несогласие с публичными высказываниями депутата Александра Иванова
|
