Персональный раздел Афанасия Максимова
Афанасий МАКСИМОВ оскуола программатыгар ИТЭҔЭЛИ үөрэтии киирбитигэр тус санаата
Быйылгы 2012-13 үөрэх сылыгар орто оскуола үөрэхтээһинигэр кэккэ уларыйыылар киирдилэр. Ол курдук обществоҕа улахан кэпсэтиини, мөккүөрү, хайдыһыыны таһаарбыт - ИТЭҔЭЛИ үөрэтии предметэ үөрэх программатыгар олохтоохтук киирдэ. Бу боппуруоска Ил Түмэн дьокутаата Афанасий МАКСИМОВ общественноска туһаайан санаатын этэн АҺАҔАС СУРУК суруйда:
“Аҕыйах хонугунан оҕолорбут оскуола аанын атыллаан саҥа үөрэх сылыгар үктэниэхтэрэ. Үөрэх диэн сахаҕа былыр былыргыттан күндү. Балаҕан ыйын 1-гы күнэ барыбытыгар даҕаны үөрүүлээх кэм-кэрдиис буоллаҕа.
Быйылгы үөрэх программатыгар саҥа предмет киирэр – Итэҕэл төрдүн үөрэтии. Онно Россия Федерациятын үөрэҕин министиэристибэтэ түөрт аан дойду таһымыгар тахсыбыт итэҕэл диэн - православиены, исламы, буддизмы уонна иудаизмы үөрэтиигэ киллэрдэ.
Дойдубут Төрүт Сокуона этэринэн, хас биирдии гражданин ханнык итэҕэли талара бэйэтин КӨҤҮЛЭ. РФ Үөрэҕин министиэристибэтэ түөрт эрэ итэҕэл төрдүн үөрэтиини программаҕа киллэрбититтэн сылтаан, үгүс саха төрөппүттэригэр, мин билэрбинэн, мунчаарыы үөскээтэ: оҕобун ханнык итэҕэлгэ үөрэттэрэбин диэн. Бары итэҕэллэр куһаҕана суохтар. Кинилэр дьон олоҕор үтүөнү, кэрэни эрэ баҕараллар. Ол эрээри, биһиги тоҕо атын норуот, атын дойду итэҕэллэрин оҕолорбутугар соҥнуохтаахпытый?
Кимиэхэ да кистэл буолбатах, биһиги түҥ былыргы өбүгэлэрбит саҕаттан үҥэр-сүктэр Айыы Таҥаралаах норуоппут. Ол Таҥарабыт – Үрүҥ Аар Тойон буолар. Биһиги кимтэн кыбыстан, туохтан куттанан республикабыт Үөрэҕин министиэристибэтин нөҥүө аһаран анал сокуон, программа оҥорон, сүрэхпитигэр-быарбытыгар иҥэрэн илдьэ кэлбит итэҕэлбитин үөрэххэ, олоххо официальнайдык киллэрбэппитий?! Тоҕо баччааҥҥа диэри республика салалтата, Ил Түмэн ууну омурдубуттуу саҥата суох олороруй?! Эбэтэр поэт Александр Галич туойбут кэмэ: "А молчальники вышли в начальники", - диэн этиитэ эргийдэ дуу?"
Афанасий Николаевич МАКСИМОВ,
СР Судаарыстыбаннай мунньаҕын - Ил Түмэн дьокутаата.
***
Аартык.ру - 30 августа 2012 года:
http://aartyk.ru/sakha/item/1583-afanasiy-maksimov-oskuola-programmatygar-ite%D2%95eli-%D2%AF%D3%A9retii-kiirbitiger-tus-sanaata 2012-08-31 10:17:33 Всего просмотров: 2538 Поделиться: 
Ссылки по ключевым словам:
2026-09-29 07:48:30 - Афанасий Владимиров: «Хас биирдии этиини Ил Түмэн болҕомтоҕо ылар» 2026-09-26 02:59:09 - Афанасий Владимиров о балансе между федеральным и региональным законодательством 2026-07-13 19:48:42 - Афанасий Максимов - о необходимости для республики собственного производства ГСМ 2026-01-19 01:31:02 - Евгений Григорьев встретился с министром культуры Якутии Афанасием Ноевым 2026-01-01 10:00:29 - «Акцент»: Лена Афанасьева — об обязательной отработке, поддержке молодых врачей и мобильных докторах
2025-12-31 15:04:21 - Поздравление министра здравоохранения Лены Афанасьевой с Новым годом и Рождеством 2025-12-08 08:00:21 - 10 медицинских учреждений Якутии получили максимальный балл соответствия стандарту СТИМУЛ
2025-10-10 11:58:18 - Афанасий Владимиров подвел итоги слушаний по проекту изменений в Конституцию Якутии 2025-07-26 06:44:38 - Народный депутат Афанасий Постников поздравил участника ВОВ Мартына Григорьева со 100-летним юбилеем 2025-07-24 09:51:10 - С большим прискорбием сообщаем, что 23 июля 2025 года ушел из жизни ветеран БАМа Павлов Анатолий Афанасьевич - яркий комсомолец своего времени. |
