Сахалыы сыhыарыы
Сандаминыч общественниктар баҕаларын хоту Иван ШАМАЕВ туһугар быыбартан туоруо дуо?
Хайдах эрэ Аһаҕас суругунан үлүһүйүү баар буоллар да, бэчээттиибит.
"6-с №-дээх Набережнайдааҕы быыбардыыр уокурукка
Ил Түмэҥҥэ депутакка кандидат А.С.Федотовка
АҺАҔАС СУРУК
Убаастабыллаах Андрей Сандаминович!
Эйигин эдэр сааһыттан өрө үүннэриллэн, Сахатын сириттэн тэлэһийэн киэҥ эйгэҕэ тахсыбыт бары өттүттэн кыахтаах киһи быһыытынан истэн билэбит. Дойду киин куоратыгар комсомол үрдүкү салалтатыттан саҕалаан, коммерческай бааны, араас фондалары, газохимическай хампаанньаны салайан, былаас органнарыгар, нолуок сулууспатыгар эҥин курдук, үрдүк дуоһунастарга ситиһиилээхтик үлэлээбитиӨ. Дойдулаах этим диэн төннөн, политика эйгэтигэр орооһорго соруммутуҥ, дьон туһугар үлэлиир-хамсыыр баҕалааҕыҥ үчүгэй. Ол гынан баран, бу быыбар хампаанньатыгар уонунан сылга республика, бар дьон интэриэһин көмүскээһиҥҥэ утумнаахтык үлэлиир И.И.Шамаевтыын биир уокурукка түбэспиккит олус хомолтолоох.
Онон сибээстээн, тус бэйэҕэр үгүс киһи аатыттан санаабытын тириэрдэн, бу маннык этиилээхпит. Эйигин норуот интэриэһин көмүскүөм диэн саҥа уопсастыба тэрилтэтэ тэриммит, былаастан тутулуга, сорудаҕа суох кандидат, оппозиция бэрэстэбиитэлин быһыытынан бэйэҕин билинэр киһи өйдүө диэн эрэнэн тураммыт көрдөһөбүт: өскөтө, дьиҥ-чахчы Саха сирин, республика олохтоохторун интэриэһин туруулаһар, ис сүрэххиттэн кыһаллар буоллаххына, Иван Иванович туһатыгар бэйэҥ кандидатураҕын уһул диэн.
Тоҕо диэтэххэ, эйигин РФ нолуогун сулууспатын III рангалаах государственнай советнига, дойду баһылыга В.Путин махталын ылбыт чугас киһитэ, үрдүкү эргимтэҕэ сибээстээх, үп-харчы да өттүттэн кыахтаах киһи быһыытынан олохтоох нэһилиэнньэ ылынар. Онон Москваҕа, ханна баҕарар даҕаны сөптөөх таһымҥа үлэлээн норуокка туһалыыргар улахан хаарчах, мэһэй суох. Бу быыбарга эн уонна И.Никитин курдук бөдөҥ бизнестэн, кыахтаах тэрилтэлэртэн кэлбит улахан өйөбүллээх кандидат элбэх. Оттон республика статуһа, экономическай, политическай бырааптара салгыы сарбыллар кутталламмыт билиҥҥи кэмигэр уруккуттан дьон-сэргэ, Сахатын сирин туһугар биир-биэс харчыта суох, аҥардас уопсастыбаннас эрэ өйөбүлүнэн өлө-тиллэ үлэлии сылдьар Иван Шамаев курдук кандидат – соҕотох. Кини курдук принципиальнай, норуот туһугар төһөлөөх ыгыыны, эрэйи да көрдөр, булгуруйбат көнө сүрүннээх политик Ил Түмэҥҥэ бүгүҥҥү күҥҥэ салгын курдук наадалаах.
Эн устунар түгэҥҥэр куолас хайдыбакка, бары бүк эрэнэр киһибит депутат буолан, норуокка халыҥ хахха, суон дурда буолар кыаҕа улаатар. Ким барыта билэринэн республика үрдүнэн киниэхэ эрэнэр-итэҕэйэр, общество туһугар үлэлииригэр көмө, тирэх буолар көннөрү дьон баһаам элбэх. Иван Шамаевы бүгүн Георгий Башарин, Софрон Данилов, Егор Алексеев курдук норуот, ыччат туһугар олоҕун анаабыт лидер быһыытынан билинэллэр.
Маннык олус наадалаах, хорсун быһыыны оҥордоххуна, төрөөбүт Сахаҥ сирэ дьоно-сэргэтэ эйиэхэ мэлдьи махталлаах буолуоҕа! Толкуйдан, норуотуҥ туһун санаа!
**
Суруйааччылар В.Н.Егоров-Тумарча, П.П.Федоров-Сомоҕо, общественник В.Н.Луковцев, философия наукатын доктора А.С. Саввинов, журналист А.Н. Павлов-Дабыл."
***
Аартык.ру
2013-08-30 13:50:15 Всего просмотров: 2594 Поделиться: 
Ссылки по ключевым словам:
2025-07-26 11:47:42 - Алексей Еремеев: Сокуон дьон туһугар үлэлиэхтээх 2024-02-08 15:37:56 - У НАРОДА САХА – МНОГО ВОЗМОЖНОСТЕЙ ДЛЯ ДУХОВНОГО РАЗВИТИЯ. И Якутия может стать Мировым центром шаманизма – Лэгэн Лэгэнтэй 2022-08-04 17:00:34 - "ЗОЛОТОЕ КОЛЬЦО" ИЕНГРЫ. Роснедра раздали лицензии даже на участки с кладбищем и священными местами Шаманских захоронений… 2020-12-29 14:07:28 - СТОРОННИК ШАМАНА ГАБЫШЕВА ЗАСНЯЛ, КАК ЖУРНАЛИСТЫ БЕРУТ У НИХ ИНТЕРВЬЮ. Руководство НВК "Саха" заявило, что "эту программу делает епархия" 2020-12-29 02:52:58 - ДЕМОКРАТИЯ ПО-ЯКУТСКИ ИЛИ ТЕЛЕОППОЗИЦИЯ? На НВК "Саха", на грант Президента РФ, при поддержке "Детей Саха-Азия", "Матерей России" и Якутской епархии РПЦ, вышла передача о сторонниках Шамана Габышева 2020-12-27 06:45:00 - ШАМАНЫ ЯКУТИИ ПРОВЕЛИ ОБРЯД ПРОТИВ ПАНДЕМИИ 2020-09-29 15:32:34 - ИВАН ШАМАЕВ - О КОНСТИТУЦИИ ЯКУТИИ, ОЦЕНКЕ ВЛАСТЕЙ И ПОДВИГЕ СПИКЕРА ИЛ ТУМЭН. (Стенограмма с Экспертного клуба) 2020-09-26 10:59:59 - В ПРЕДДВЕРИИ ДНЯ ГОСУДАРСТВЕННОСТИ ЯКУТИИ ИНИЦИАТОРЫ СОЗДАНИЯ СОЮЗА ЖУРНАЛИСТОВ И БЛОГЕРОВ ВСТРЕТИЛИСЬ С ИВАНОМ ШАМАЕВЫМ 2020-07-25 03:43:36 - ЯКУТЯН ПРИЗВАЛИ К АКТУ СОЗИДАНИЯ. Сегодня в 12.00 шаман Лэгэн Лэгэнтэй призывает жителей Якутии обратиться к Высшим Силам 2020-07-20 13:06:35 - ОБРАЩЕНИЕ ЗАМЕСТИТЕЛЯ ВЕРХОВНОГО ШАМАНА РОССИИ ЛЭГЭН ЛЭГЭНТЭЯ К ЯКУТЯНАМ |
