Сахалыы сыhыарыы
Бастакы редактор - бастакы таптал кэриэтэ умнуллубат
Бүгүн, алтынньы 4 күнүгэр, "Наше время", "Эхо столицы", "Киин куорат" хаһыаттары аан бастаан тэрийбит, төрүттэспит киһи - Андрей Гаврильевич ПЕТРОВ 50 сааһын туолла. Бастакы редакторбытын үбүлүөйдээх өрөгөйүнэн уонна "СР Бэчээтин туйгуна" диэн бочуоттаах ааты ылбыккынан ис сүрэхтэн эҕэрдэлиибит!
1990 сыллар бүтүүлэригэр, көҥүл тыын сүрэҕи өрүкүтэр тыына көмүллэ илигинэ, Саха сирин бэчээтин эйгэтигэр аныгы көрүүлээх, ханнык да урукку хаһыакка майгыннаабат "Наше время" диэн сытыы тыллаах, киэҥ анаарыылаах хаһыат тахсыбыта. Кылаабынай редактора - Андрей ПЕТРОВ күөгэйэр күнүгэр сылдьар сахаҕа мааны уола хаан, олох бары эйгэтигэр көхтөөхтүк кыттан, көмүөллээхтик киирсэн иһэрэ. Ханнык-ханнык суолунан билигин ити хаһыат атын дьон илиитигэр киирбитин ырыта барыллыбат, кэмэ кэллэҕинэ ол туһунан да бэчээккэ тахсыа дии саныыбыт.
Андрей ПЕТРОВ букатын эдэр сааһыгар президент Михаил НИКОЛАЕВ көмөлөһөөччүтүнэн үлэлии сылдьыбыта. Көбүөр аннынан ыытыллар политика кирдээх кэтэх оонньуутун утарар, сүрэҕинэн ылыммат эдэр киһи үрдүкү ситэриилээх былаастан муниципальнай былааска үлэлии кэлэр. Оччолорго Дьокуускай мээрэ Илья МИХАЛЬЧУК киин куорат бэйэтэ общественноска тахсар бэчээтинэй рупордаах буолуохтаах диир санааттан ситимнээн, бастаан нууччалыы, онтон сахалыы хаһыаттары тэрийэр. Бу үлэҕэ, идиэйэҕэ барытыгар Андрей ПЕТРОВ сүрүн көҕүлээччи буолар.
Андрей ПЕТРОВ саҥа кадрдары булар дьоҕура, кинилэри иитэр редакционнай политиката элбэх үтүө түмүгү биэрбитэ. "Эхо столицы", "Киин куорат" оччотооҕу кэмнэриттэн элбэх талааннаах суруналыыстар үүнэн тахсыбыттара, урукку баар суруналыыстар айымньылаах үлэлэрэ өссө сайдан барбыта. Елена ТИХОНОВА, Виктория ГАБЫШЕВА, Елена СТЕПАНОВА, Туйаара НУТЧИНА, Сардаана СИВЦЕВА-Санаайа, Игорь ПЛАТОНОВ, Ирина МАРТЫНОВА, Татьяна ЗАХАРОВА-Лоһуура, Елена ПТИЦЫНА, Виталий ИВАНОВ-Сур, Күннэй ЕРЕМЕЕВА, ини-биир Андриан уонна Леонид НИКОЛАЕВТАР, Егор КАРПОВ, Аламжи БУДАЕВ, Игорь САВВИНОВ онтон да атыттар аан бастаан суруналыыс быһыытынан бары Андрей ПЕТРОВ салалтатынан үүнэн-сайдан тахсыбыттара.
Саха суруналыыстарын аксакаллара Дмитрий Софронович БУБЯКИН, Прокопий Яковлевич ЧУУКААР, Андрей Васильевич АРГУНОВ эдэр суруналыыстарга сүбэ-ама, холобур буолан такайбыт үтүөлээхтэр.
Олус талааннаах уолаттар суруналыыс Иван БУЛДАКОВ, поэт, фотограф Руслан КРИВОГОРНИЦЫН, кэлин үүнүөх-сайдыах хаарыан талааннар хомойуох иһин эрдэ олохтон туораабыттара.
Андрей Гаврильевич олус демократичнай, киһи быһыытынан эйэҕэс-элэккэй, үрдүк таһымнаах редактор буолара. "Эхо столицы", "Киин куорат" ПЕТРОВ салайар эрдэҕинэ саамай элбэх тиражтана сылдьыбыта, куорат олохтоохторо эрэ буолбакка республика барыта сөбүлээн ааҕар хаһыаттарыгар кубулуйбута.
Туох да диэн Илья МИХАЛЬЧУГУ билигин саҥарбыттарын иһин, мээр хаһыаттарыгар олус болҕомтолоохтук сыһыаннаһара, редакция үлэһиттэрин социальнай көмүскэллэригэр олус кыһаллара.
Мээрдиир бастакы болдьоҕор бэрт элбэҕи куоракка оҥорбута. Аҥаардас Эргэ куораты сөргүттэрбитэ, Аппа күөлүн кытылын оҥотторбута, ыһыах ыспыта, Арчы дьиэтин туттарбыта элбэҕи кэрэһэлиир. Дьиҥнээх "хаһаайыстыбанньык" диэн кинини ааттыахха сөбө.
Хомойуох иһин, политика биһиги баҕарбатахпыт да үрдүнэн, олохпутугар орооһо турар. Билигин хаһыат да үлэтэ, мээрдэр хаһыаттарыгар сыһыаннара хаҕыс, кадр боппуруоһа уустук.
Андрей ПЕТРОВ - бастакы редакторбыт, бастакы таптал кэриэтэ биһиги олохпутугар улахан суолталаах киһи буолар.
Ону билинэн туран, махтанан туран, Андрей Гаврильевыһы, олоҕун орто омурҕанын бэлиэтиир үтүө күнүнэн эҕэрдэлиибит! Кэнэҕэс олоҕуҥ сырдык сыдьаайдаах, ыраас халлааннаах буоларыгар ис сүрэхтэн баҕарабыт!
Эдэр сааспыт кэрэмэс күннэрэ буолан кустуктана оонньуур кэммитин күндүтүк саныыбыт, сэмээр ахтабыт! Дьоллоох буол, Бастакы РЕДАКТОРБЫТ!
***
Аартык.ру - 04.10.13.
http://aartyk.ru/obshestvo/item/3706-bastaky-redaktor-bastaky-taptal-keriete 2013-10-05 04:45:31 Всего просмотров: 2148 Поделиться: 
Ссылки по ключевым словам:
2024-05-02 07:29:49 - В Якутске запустили новый бренд местной продукции «Таптал»
2021-12-13 08:11:45 - КЭРИЭСТЭБИЛ. Дьон өйдүүрүн тухары – киһи тыыннаах 2020-12-22 05:05:06 - ТЕКСТОВАЯ ОНЛАЙН-ТРАНСЛЯЦИЯ СО ВСТРЕЧИ ГЛАВЫ ЯКУТИИ С РЕДАКТОРАМИ СМИ И ИНТЕРНЕТ-ИЗДАНИЙ (Начато: 22 декабря, 11.00. Завершено: 13.00).
2019-08-14 15:04:20 - Болҕойуҥ! Куйаар ситимин нөҥүө «Далбар Хотун»
өрөспүүбүлүкэтээҕи бастакы күрэс!
2019-06-10 11:02:50 - НАЧИНАЕТСЯ ВСТРЕЧА АЙСЕНА НИКОЛАЕВА С РЕДАКТОРАМИ 2019-01-16 07:56:42 - ФЕДОР ПОПОВ АЛБАН ААТА УЙЭЛЭРГЭ УМНУЛЛУБАТЫН! 2018-11-08 10:19:04 - ОЧЕРЕДНОЕ КАДРОВОЕ ИЗМЕНЕНИЕ В МЕДИА-СФЕРЕ. Главным редактором правительственной газеты «Саха Сирэ» назначен Родион Кривогорницын 2018-03-12 07:02:31 - Сомоҕолоһууну бастаан бэйэттэн саҕалыахха 2017-04-23 09:18:42 - Редактордар сүбэлэрэ. Информация – суоһарыылаах күүс
2017-04-20 18:19:44 - СОВЕТ РЕДАКТОРОВ ОПРЕДЕЛИЛ ТЕМАТИКУ ГРАНТОВ ДЛЯ СМИ И ЖУРНАЛИСТОВ
|
