В парламенте
Александр Жирков Москваҕа госпитальга сытар байыастары көрүстэ
 Саха Өрөспүүбүлүкэтин Ил Түмэнин бастакы вице-спикерэ Александр Жирков тохсунньу 23 күнүгэр академик Н.Н. Бурденко аатынан байыаннай госпитальга Саха сириттэн Украинаҕа тиийэн анал байыаннай дьайыы кэмигэр бааһырыы ылан эмтэнэ сытар буойуттары көрүстэ.
Александр Николаевич бастаан госпиталь салалтатын көрсөн манна сытар дьон эмтэнэр усулуобуйаларын, Саха сириттэн төһө буойун эмтэнэн тахсыбытын, кинилэргэ туох-ханнык көмө оҥоһуллубутун туһунан кэпсэттэ. Байыаннай госпиталь салайааччытын эбээһинэһин толорооччу Александр Б. Саха сириттэн сылдьар буойуттарга өрөспүүбүлүкэ салалтата уонна биир дойдулаахтара улахан болҕомто ууралларын, өрүү кэлэн көрсөллөрүн, араас хайысхаларынан көмө оҥороллорун анаан бэлиэтээтэ.
Ил Түмэн бастакы вице-спикерэ Саха сирин олохтоохторун ааттарыттан эмтиир быраастарга уонна госпиталь кэлэктиибигэр үрдүк таһымнаах уонна бэриниилээх үлэлэрин иһин махталын тириэртэ. Госпитальга үчүгэйдик эмтэнэргэ кыах баарын көрдүм уонна чуолаан бу бааһырбыт байыастары көрө-истэ ыраах Саха сириттэн кэлбит аймахтарыгар сөптөөх усулуобуйа тэрийбиккит диэн бэлиэтээтэ.
Академик Н.Н. Бурденко аатынан госпитальга билиҥҥи кэмҥэ Дьокуускай, Нерюнгри куораттартан уонна Өлүөхүмэ улууһуттан сылдьар буойуттар эмтэнэллэр. Кинилэри кытта буолбут истиҥ кэпсэтиигэ буойуттар дойдубутун аҕынныбыт диэн кистээбэккэ кэпсээтилэр уонна дойдуларыттан кэһии тутан үөрдүлэр-көттүлэр.
Александр Жирков байыастарга туһаайан: “Үчүгэйдик эмтэнэн, үтүөрэн дойдугутугар түргэнник эргиллин”, - диэн алгыс тылларын эттэ.
Саха Өрөспүүбүлэкэтин Ил Тумэнин пресс-сулууспата 2023-01-24 15:19:17 Всего просмотров: 109 Поделиться: 
Ссылки по ключевым словам:
2023-03-21 11:00:01 - Александр Жирков принимает участие в Декаде алтайского героического эпоса в Республике Алтай 2023-03-14 05:55:29 - Сенатор РФ Александр Акимов: Закон о северном завозе – долгожданный 2023-01-30 02:24:43 - Александр Жирков встретился с директором Российского этнографического музея Юлией Купиной 2023-01-24 15:19:17 - Александр Жирков Москваҕа госпитальга сытар байыастары көрүстэ 2023-01-16 04:17:46 - Александр Жирков: «Оҕо төрөөбүт тылынан иитиллэр, үөрэнэр эйгэтэ тэриллиэхтээх» 2022-12-28 11:19:35 - Александр Кошуков: Наша республика обретает новые перспективы развития 2022-12-27 06:55:31 - АЛЕКСАНДР ЖУРАКОВСКИЙ - ПО ИТОГАМ ЗАСЕДАНИЯ МЕЖВЕДОМСТВЕННОГО СОВЕТА ПРИ ЯКУТСКОМ ПРИРОДООХРАННОМ ПРОКУРОРЕ 2022-11-22 06:18:40 - Александр Жирков: власть и общество тревожатся за судьбы родных языков 2022-11-02 04:53:41 - Александр Жирков: «Наш священный долг» 2022-10-15 06:04:16 - Александр Жирков встретился с Председателем Верховного Совета Республики Хакасия Владимиром Штыгашевым |
