В парламенте
Саха сирин делегацията М.К. Аммосовка аналлаах норуоттар икки ардыларынааҕы конференцияҕа кыттыаҕа
С. Васильев
 Ахсынньы ый 12-13 күннэригэр Кыргыз Өрөспүүбүлүкэтин киин куоратыгар Бишкеккэ түүр омуктар биир уһулуччулаах, биллиилээх общественнай-политическай уонна государственнай деятелэ Максим Кирович Аммосовка аналлаах «ХХ-ХХІ үйэлэргэ нацияны уонна обществоны үөскэтиигэ лидердэр оруоллара» диэн норуоттар икки ардыларынааҕы научнай-практическай конференция аан бастаан тэриллэн ыытыллыаҕа.
Бу улахан, киэҥ таһымнаах тэрээһини Кыргыз, Казах, Саха Өрөспүүбүлүкэлэрин түөрт үөрэҕирии уонна наука тутаах тэрилтэлэрэ, ол курдук: Жусуп Баласагын аатынан Кыргыз национальнай университета, Ишеналы Арабаев аатынан Кыргыз судаарыстыбаннай университета, Казах Өрөспүүбүлүкэтин наукаларын академиятын Чокан Валиханов аатынан история уонна этнология института уонна Максим Аммосов аатынан Хотугулуу-Илиҥҥи федеральнай университет бииргэ бэлэмнээн, тэрийэн ыытыахтара.
Конференция үлэтигэр Саха сириттэн Ил Түмэн Бэрэссэдээтэлин бастакы солбуйааччы Александр Жирков салалталаах делегация кыттыыны ылыаҕа.
Конференцияҕа киэҥ программа көрүллэр. Ол курдук, кыттааччылар Саха омугун уһулуччулаах уолугар - Максим Аммосов пааматынньыгар сибэкки дьөрбөтүн ууруохтара, кини олоҕун, төлкөтүн туһунан киинэ көстүөҕэ, Максим Кирович дойдутугар, Кыргызстаҥҥа, Казахстаҥҥа үлэтин көрдөрөр, кэпсиир быыстапка аһыллыаҕа, аһаҕас лекциялар ыытыллыахтара.
Конференция кэмигэр ХИФУ ректора Анатолий Николаев уонна КНУ ректора Толобек Абдырахманов икки үөрэх тэрилтэтин бииргэ үлэлээһинин туһунан илии баттаһыахтара. Конференцияҕа куйаар нөҥүө Казахстан, Саха сирин, Россия учуонайдара, чинчийээччилэрэ, общественнай деятеллэр кыттыахтара.
https://iltumen.ru/news/24826 2023-12-12 09:05:19 Всего просмотров: 394 Поделиться: 
Ссылки по ключевым словам:
2026-03-27 10:58:35 - Делегация АО «АК «ЖДЯ» обсудила с китайскими партнерами реализацию проекта международного транспортного коридора 2026-02-11 06:20:04 - Делегация из Москвы изучает опыт Якутии по подготовке кадров для АПК
2026-01-30 12:07:50 - Делегация АО «АК «ЖДЯ» провела рабочие встречи в Китае
2025-12-22 16:35:29 - Делегация из Якутии обсудила в Магадане подход железной дороги к портам 2025-12-17 18:06:26 - Делегация АК «ЖДЯ» приняла участие в торжественном закрытии трудового семестра студенческих отрядов Беларуси 2025-10-04 13:51:53 - Делегация АО «АК «ЖДЯ» приняла участие в Международной промышленной выставке «Иннопром-2025» 2025-08-31 08:29:12 - Дьиҥнээх эр бэрдэ, амарах аҕа уонна сиэрдээх киһи оҕотуттан аккаастаммат. Василий Аммосов үтүө аатыгар 2025-08-29 12:26:54 - ТОЛЬКО НАСТОЯЩИЙ МУЖЧИНА, НАСТОЯЩИЙ ОТЕЦ И ТОЛЬКО ПОРЯДОЧНЫЙ ЧЕЛОВЕК НИКОГДА НЕ ОТКАЖЕТСЯ ОТ СВОЕГО РЕБЕНКА. В защиту Василия Аммосова 2025-08-09 16:07:19 - Александр Жирков: Россия Федерациятын норуоттарын тыллара тэҥҥэ сайдыахтаахтар 2025-06-24 06:26:54 - Делегация АО «АК «ЖДЯ» приняла участие в ПМЭФ |
