Сельское хозяйство и АПК
НАМҤА ЭКОФЕРМА САЛААТА ҮЛЭЛИИР
 «Туймаада» агрохолдинг төгүрүк сылы быһа тохтообокко олохтоох аһылыгынан нэһилиэнньэни хааччыйар сыалтан өрөспүүбүлүкэ үрдүнэн экофермалары үлэлэтэр. Ынах сүөһү ахсаанын хаҥатар, эт-үүт бородууксуйатын оҥорон таһаарыыны элбэтэр сыалтан бу күһүн Хамаҕатта нэһилиэгэр аныгы ирдэбилгэ эппиэттиир "Сэргэ” бааһынай хаһаайыстыба сүөһү тутар базатын атыылаһан үлэҕэ киллэрбитэ.
Улуустааҕы тыа хаһаайыстыбатын управлениетын салайааччыта Владимир Макаров, кылаабынай зоотехник Софья Тойтонова хаһаайыстыба кыстыкка киириитин сылдьан көрдүлэр, билистилэр.
Владимир Иванович:
- Сүөһүлэр этэҥҥэ кыстыкка киирбиттэр, туруктара үчүгэй. Бүгүҥҥү күн туругунан комплекска 193 сүөһү турар. Сүөһү ахсаана 300 төбөҕө тиийиэхтээх.
Экоферма Намнааҕы салаатын биригэдьииринэн Партизан нэһилиэгин олохтооҕо Яков Новгородов ананан үлэлии сылдьар.
«Туймаада» экоферма үүтэ республика үгүс улуустарын олохтоохторугар киэҥник биллэр, биһирэнэр.
"Нам улууһа” Мт пресс – сулууспата 2024-11-07 17:02:22 Всего просмотров: 67 Поделиться: 
Ссылки по ключевым словам:
2024-11-07 17:02:22 - НАМҤА ЭКОФЕРМА САЛААТА ҮЛЭЛИИР 2024-10-13 06:12:57 - Тыа хаһаайыстыбатын уонна астыыр-үөллүүр салаа үлэһиттэрин күнүнэн 2005-09-26 12:39:00 - ДЕНЬ ТУРИЗМА В «УРАСАЛААХЕ»
|
