В парламенте
Антонина Григорьева: Оһуохай – саха тыына
 От ыйын 7 күнүгэр Дьокуускайдааҕы култуура уонна сынньалаҥ киин пааркатыгар Саха Сирин «Оһуокай» түмсүүтүн ыһыаҕа буолла. Саха Өрөспүүбүлүкэтин Ил Түмэнин Бэрэссэдээтэлин солбуйааччыта Антонина Григорьева үөрүүлээх тэрээһиҥҥэ ыалдьыттары эҕэрдэлээтэ.
«Үтүө күнүнэн Саха Сирин Оһуокай түмсүүтүн Ыһыаҕар мустубут бар дьонум! Убаастабыллаах ыалдьыттар!
Олох күүһүн, тыынын, эргимтэтин, кэм-кэрдии ситимин бэлиэтиир, кэхтибэт үйэлээх төрүт үгэһин, киэҥ эҥсиилээх номоҕун сэһэргиир, үрүҥ-хара күүс модун киирсиитин, онуоха сырдык, үтүө-кэрэ мэлдьи өрөгөйдүүрүн туоһулуур, дьон-сэргэ иллээх-эйэлээх, уйгулаах олоҕу түстүүр сомоҕо түмсүүтүн көрдөрөр саха оһуохайа чөл хаалыытыгар, бар дьоҥҥо тарҕаныытыгар, сайдыытыгар Александр Джурович салайааччылаах Саха Сирин Оһуокай түмсүүтэ сүҥкэн үтүөлээх.
Үҥкүү – иэйэр кут уран тыынын, айар абылаҥ кистэлэҥ күүһүн сүрэхтэн сүрэххэ тыла суох хамсаныынан хоһуйар. Үҥкүү – олох – куйаар ситимэ. Үҥкүү – омук тыына! Ааспыт сылга дойду үрдүнэн биллэриллибит Россия норуоттарын култууратын үйэлээх баайын сылыгар, ону сэргэ Саха Автономнай Сэбиэскэй Социалистическай Өрөспүүбүлүкэтэ тэриллибитэ 100 сылыгар саха норуотун ураты дириҥ суолталаах ытык үҥкүүтэ – оһуохай – киһи аймах өйүнэн айбыт үйэлээх баайын кылаан чыпчаала буолбута үгүһү этэр. Онуоха Саха сирин араас улуустарыгар, өрөспүүбүлүкэбит тас өттүгэр оһуохайы тарҕатыыга бэйэлэрин үгүс кылааттарын киллэрэллэр Саха Өрөспүүбүлүкэтин Аар Дархан этээччилэрэ Егор Михайлович Осипов, Саха Өрөспүүбүлүкэтин үтуүөлээх үлэһитэ, өрөспүүбүлүкэҕэ дьахталлартан бастакы Аар Дархан этээччи Розалия Михайловна Тихонова. Эдэр ыччат оһуокайыгар 50 ыччат кыттан Мэҥэ Хаҥалас, Үөһээ Бүлүү, Сунтаар, Ньурба, Нам эдэр оһуохайдьыттара инники күөнҥэ сылдьалларын көрдөрдүлэр. Ол курдук, Бүлүүттэн төрүттээх билигин Мэҥэ Хаҥалас улууһугар эдэр ыччакка оһуохайы уһуйа үөрэтэ сылдьар Станислав Иванов, Нам улууһугар Валентин Хорунов, Үөһээ Бүлүүгэ Айталина Мойтохонова, Сунтаарга Светлана Зедгенидзева, Ньурбаҕа Прокопий Давыдов уонна быйыл саас Арчы дьиэтигэр ыытыллыбыт Ньурба улууһун Эр дьон ыччат оһуохайыгар Ньурбаттан элбэх талааннаах оһуохайы үйэтитэр ыччат кэлэн кыттан дьону сөхтөрөн бартара. Бүлүү сүнньэ былыргыттан оһуохай ситимин, кэрэ кылыһаҕын, уустаан-ураннаан хоһуйуутун үгэс гынан илдьэ сылдьара кэрэхсэтэр. Кэлиҥҥи кэмҥэ куорат эҥэрэ – мэнэлэр, намнар оһуохайынан утумнаахтык дьарыгыран эрэллэр, ол түмүгэр билигин Нам улууһугар Оһуокай күнэ диэн баар буолла.
Саха Өрөспүүбүлүкэтин Ил Түмэнин аатыттан уонна тус бэйэм ааппыттан бүгүҥҥү үөрүүлээх бэлиэ күнүнэн истиҥник бука барыгытын эҕэрдэлиибин!
Өбүгэлэрбит хаалларбыт үйэлээх баайдара – оһуохай кэлэр көлүөнэлэргэ сүппэккэ тиксэригэр киллэрэр сыраҕыт, кыһамньыгыт иһин махталбын биллэрэбин! Баҕарабын өҥ-быйаҥ сайыны, таһаарыылаах үлэни, чэгиэн-чэбдик туругу, үүнүүнү-сайдыыны, айымньылаах үлэҕитигэр ситиһиилэри! Түмүкпэр өрөспүүбүлүкэҕэ ыытыллар оһуокай күрэстэригэр Аар Дархан, Дархан оһуохайдьыттарга туһунан түһүлгэни тэрийии наадатын этиэм этэ. Инники өттүгэр сахабыт оһуокайа өссө чэчирии, сайда, киэҥ сирдэринэн тарҕана турарыгар баҕарабын!», – диэн оһуокай түмсүүтүн ыһыаҕын кыттыылаахтарын эҕэрдэлээтэ Антонина Григорьева.
Салгыы Ил Түмэн вице-испиикэрэ наҕараадалары туттартаата. Ол курдук, өр сыллаах эҥкилэ суох үлэтин иһин Павлова Евдокия Ивановнаҕа «Саха Өрөспүүбүлүкэтин култууратын туйгуна» бочуоттаах бэлиэни туттарда.
Ону тэҥэ Антонина Григорьева оһуокай этээччилэр Данилов Александр Джуровичка, Тарскай Александр Лаврентьевичка, Тихонова Розалия Михайловнаҕа тус бэйэтин аатыттан махтал суруктары уонна Ил Түмэн наукаҕа, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыалаларыгар сис кэмитиэтин аатытта Бочуотунай грамоталары туттарда.
Ил Түмэн пресс-сулууспата 2023-07-09 00:52:41 Всего просмотров: 190 Поделиться: 
Ссылки по ключевым словам:
2025-08-16 04:29:01 - КОРРУПЦИЯ В СУНТАРСКОМ УЛУСЕ? Почему Анатолий Григорьев не закрывает свой «Алмазный фонд», хотя на аналогичном Фонде «погорел» экс-глава глава Анабарского улуса Иван Семенов? 2025-07-22 10:54:40 - Евгений Григорьев провел личный прием граждан 21 июля 2025-07-16 01:11:53 - Вопросы «Сатала» и перенос памятника: Евгений Григорьев провел прием граждан 2025-05-27 05:20:02 - Евгений Григорьев проконтролировал ход подготовки земельных участков для многодетных семей по Намцырскому тракту 2025-05-24 09:18:35 - Евгений Григорьев поздравил школьников с «Последним звонком» 2025-05-02 23:43:22 - Айсен Николаев и Евгений Григорьев осмотрели места проведения праздничных мероприятий к 80-летию победы в Великой Отечественной войне 2025-04-27 05:56:03 - Евгений Григорьев поздравляет с Днем Республики Саха (Якутия) 2025-04-18 05:15:28 - Евгений Григорьев проверил объекты Якутска в рамках подготовки к 80-й годовщине Победы в Великой Отечественной войне 2025-04-17 02:41:48 - Евгений Григорьев встретился с участниками образовательной программы «Управление городскими проектами» РАНХиГС 2025-04-04 09:05:29 - Евгений Григорьев советует жителям Якутска не поддаваться уловкам продавцов земельных участков |
