Сахалыы сыhыарыы
Уххан Кытайга эмтэнэ барар баҕалаах
Биллиилээх суруналыыс, уран тыллаах поэт, общественнай деятель Иван Николаевич НИКОЛАЕВ - Уххан Уйбаан соторутааҕыта икки хараҕа глаукомалаан суһаллык операцияланна.
Уххан: "Хаҥас хараҕым сылайдахпына эмискэ көрбөт буолан хаалара. Ону сылааргаан диэн көрдөрбөккө сылдьыбытым. Дөрүн-дөрүн түүн төбөм дэлби ыалдьан уһуктар этим. Онтум "острый приступ глаукомы" дэнэр эбит. Бүрүүстүбэ аастаҕына быраастар кыайан глаукоманы диагностаабаттар эбит. Бу сырыыга глаукома бүрүүстүбэ киирэн, хараҕым харата кэҥээн-кэҥээн баран хараҕым түгэҕэр баар ньиэрбэлэр быһыта барбыттар", - диир.
Суруналыыс биир хараҕын быраастар быыһаабатахтар. Иккиһин син эмтии сатаабыттар. "Көрөр буолан эрэбин" диэн бэйэтэ этэр.
Уххан кинигэ таһаараары бэлэмнии сылдьыбыта. Онто эмискэ киирбит ыарыы мэһэйдиир кутталлаах. "Кытайга эмтииллэр диэни истэн, онно бараары сылдьабын", - диир. Биллэн турар, ыархан ырыыттан эмтэнэргэ үп-харчы наада. Кыахтаах дьон көмө буолуохтара этэ. Уххан - саха суруналыыстыкатын биир чаҕылхай, туспа, ураты суолун-ииһин солообут, кырдьыгы туруулаһар булгуруйбат санаалаах киһитэ буолар. Коллегабытыгар этэҥҥэ эмтэнэн үтүөрэригэр баҕарабыт.
***
http://aartyk.ru/sakha/item/1616-uhhan-kytayga-emtene-barar-ba%D2%95alaah 2012-09-06 11:40:54 Всего просмотров: 3629 Поделиться: 
Ссылки по ключевым словам:
2013-08-30 13:50:15 - Сандаминыч общественниктар баҕаларын хоту Иван ШАМАЕВ туһугар быыбартан туоруо дуо? 2012-09-06 11:40:54 - Уххан Кытайга эмтэнэ барар баҕалаах |
