Сахалыы сыhыарыы
Конституция -- дойдубут модун күүстээх, бигэ туруктаах буолуутун мэктиэтэ
Ытыктабыллаах Саха сирин олохтоохторо!
Саха Өрөспүүбүлүкэтин Судаарыстыбаннай Мунньаҕын (Ил Түмэнин) аатыттан Российскай Федерация Конституциятын күнүнэн эҕэрдэлиибин!
Ахсынньы 12 күнэ – Российскай Федерация уонна кини субъектарын историяларыгар ураты күн. 20 сыл анараа өттүгэр, 1993 сыллаахха норуот бүттүүнүн куоластааһынан Российскай Федерация саҥа гражданскай обществоны тутар анал туругун быһаарбыт дойду саҥа Конституцията ылыллыбыта. Бу бэлиэ күнтэн саҕалаан Российскай Федерация судаарыстыбаннаһын сайдыытын саҥа кэрдиис кэмэ ааҕыллар. Төрүт Сокуон Российскай Федерация судаарыстыбаннаһын, Федерация бары норуоттара ахсааннарыттан тутулуга суох көҥүллүк сайдыыга дьулуһууларын араҥаччылыыр, дойду национальнай интэриэһин көмүскээһиҥҥэ сомоҕолуур, судаарыстыба олоҕо-дьаһаҕа чөл уонна кэскиллээх буолуутун хааччыйар соруктаах.
Бүгүҥҥү күҥҥэ Российскай Федерация Төрүт Сокуона мэктиэлииринэн Саха Өрөспүүбүлүкэтэ судаарыстыба статустаах, Конституциялаах. Саха Өрөспүүбүлүкэтин Ил Түмэнин иннигэр Российскай Федерация Конституциятыгар сөп түбэһэн бэйэбит өрөспүүбүлүкэбит Конституциятын салгыы бөҕөргөтөр, араҥаччылыыр, өрөспүүбүлүкэ сокуону оҥорор кыаҕын тупсарар, кэҥэтэр уустук сорук турар. Сүрүн сокуоннар төрөөбүт дойдубут модун күүстээх, бэйэтин олохтоох норуоттарын интэриэстэрин көмүскүүр, дьон-сэргэ төрүүр-ууһуур, үөрэнэр, үлэлиир, айар-тутар, чөл туруктаах буолар быраабын араҥаччылыыр үтүө дьайыылаахтар.
Эһиэхэ чэгиэн доруобуйаны, уһун үйэни,
Россия судаарыстыбата уонна төрөөбүт Сахабыт сирэ сайдалларын туһугар айымньылаах үлэни, дьоһун олоҕу баҕарабын!
Александр Жирков,
Саха Өрөспүүбүлүкэтин Судаарыстыбаннай
Мунньаҕын (Ил Түмэнин) Бэрэссэдээтэлэ
http://iltumen.ru/node/11101 2013-12-12 05:14:45 Всего просмотров: 1969 Поделиться: 
Ссылки по ключевым словам:
2026-10-05 06:05:17 - Алексей Колодезников высказал свою точку зрения о внесении изменений в Конституцию республики 2026-10-01 05:30:44 - Андрей Николаев прокомментировал конституционную инициативу об отмене ограничений по числу сроков для Главы Якутии 2026-02-18 07:30:13 - Тополиное: как найти баланс между Конституционными гарантиями и стратегическими задачами государства? 2025-10-23 02:03:40 - Алексей Еремеев прокомментировал принятые изменения в Конституцию РС (Я) 2025-10-20 06:23:54 - ПОПРАВКИ В КОНСТИТУЦИЮ РЕСПУБЛИКИ НОСЯТ, В ОСНОВНОМ, ТЕХНИЧЕСКИЙ ХАРАКТЕР – ВИКТОР ФЕДОРОВ 2025-10-10 11:58:18 - Афанасий Владимиров подвел итоги слушаний по проекту изменений в Конституцию Якутии 2024-11-30 06:46:18 - Владимир Прокопьев: Саҥа сокуон киириитигэр дойдубут уратыта, дьон-сэргэ интэриэһэ учуоттаныаҕа 2024-06-02 04:25:11 - Алексей Еремеев: «Главные пункты современной Конституции Якутии являются, в значительной степени, заслугой Василия Филиппова» 2023-12-12 09:08:35 - Поздравление Алексея Еремеева с Днем Конституции РФ 2023-12-12 09:00:32 - В День 30-летия Конституции страны Глава Якутии вручил паспорта юным гражданам России |
