Общество
Тааттаҕа Суорун Омоллоон 120 сылын бэлиэтээтилэр
 Саха норуодунай суруйааччыта, Социалистическай үлэ геройа, поэт, прозаик, драматург Дмитрий Кононович Сивцев-Суорун Омоллоон балаҕан ыйын 14 күнүгэр төрөөбүтэ 120 сылын туолла. Бу күн кини төрөөбүт Тааттатыгар, Чөркөөххө уонна Ытык Күөлгэ дьоро тэрээһиннэр ыытылыннылар.
Суорун Омоллоону саха духуобунай лидера диэн дэлэҕэ ааттаабаттар. Кини олоҕун бүтүннүү эдэр көлүөнэҕэ саха төрүт култууратын, уус-уран нэһилиэстибэтин тиэрдиигэ, үөрэтиигэ анаабыта. Ол курдук, Таатта улууһугар Чөркөөххө политссылка түмэлин, Ытык Күөлгэ «Таатта» уонна Уус Алдан Суоттутугар «Доҕордоһуу» литература, история түмэллэрин арыйан норуотугар сүҥкэн суолталаах бэлэх оҥорбута.
«Дмитрий Кононович литератураҕа уонна театрга эрэ буолбакка, бүтүн сэбиэскэй култуура сайдыытыгар улахан кылааттаах киһи. Бүгүн киниэхэ анаммыт үөрүүлээх тэрээһиҥҥэ эдэр ыччат уонна оскуола оҕолоро тоҕуоруһа мустубуттарын астына көрдүм. Суорун Омоллоон саха култуурата сайдыахтааҕын өтө көрөн олус элбэх үлэни ыыппыт диэтэхпитинэ сыыспаппыт. Аны 5 сылынан чулуу киһибит үбүлүөйдээх 125 сылын бэлиэтиэхпит, онно бэлэмнэнии кыралаан саҕаланан эрэр», — диэн сэһэргээтэ Ярославскай аатынан Хотугу норуоттар устуоруйаларын уонна култуураларын холбоһуктаах судаарыстыбаннай түмэлин директора, Ил Түмэн депутата Николай Бугаев.
 Чөркөөххө Суорун Омоллоон 120 сылын бэлиэтии кыыһа Люция Дмитриевна Васильева оҕолорунаан ыалдьыттаата. Кини аҕатын айымньыларын норуот ааҕарын тухары кини тыыннаах диэн санаатын үллэһиннэ:
«Билигин даҕаны аҕам айымньылара бэчээттэнэллэр, дьон ааҕар, билэр. Тус бэйэм саамай үөрэрим диэн Опера уонна балет судаарыстыбаннай театра хаһан да буолбатах элбэх ситиһиилэнэриттэн. Итинтэн мин аҕам өссө бүк дьоллонуо этэ. Кини искусство бары көрүҥэ сайдарын ис сүрэҕиттэн баҕарар этэ. Түмэллэрин кэскилин, проектарын, ис хоһоонун туһугар олус долгуйара. Биһиги аҕабыт инникини көрөр этэ, онтуката күн бүгүҥҥэ диэри туола турар».
Суорун Омоллоон 120 сылын бэлиэтиир тэрээһиннэр Ытык Күөл нэһилиэгэр үөрүүлээх мунньаҕынан түмүктэниэхтэрэ.
Фото: ulus.media
Подробнее: https://ulus.media/2026/09/14/taatta%d2%95a-suorun-omolloon-120-sylyn-belieteetiler/
2026-09-14 14:07:08 Всего просмотров: 125 Поделиться: 
Ссылки по ключевым словам:
2026-09-14 14:07:08 - Тааттаҕа Суорун Омоллоон 120 сылын бэлиэтээтилэр 2022-09-04 16:37:12 - ПРОБЛЕМЫ ПОСТРАДАВШИХ ВЕРХОЯНЦЕВ РЕШЕНЫ НЕ ДО КОНЦА: ЛЮДИ ВЫНУЖДЕНЫ ОБРАЩАТЬСЯ К ИЛ ДАРХАНУ И ПРЕЗИДЕНТУ. Многодетная мать из затопленного села Суордах просит помощи для себя и односельчан
2022-07-28 21:07:10 - СЕЛУ СУОРДАХ НУЖНА ШКОЛА-САД 2022-07-28 03:46:46 - ВЛАДИМИР ЧЕРНОГРАДСКИЙ - ПО ИТОГАМ ВЫЕЗДОВ В СЕЛА ДУЛГАЛАХ И СУОРДАХ 2022-07-28 03:44:59 - ПЕДАГОГИ С.СУОРДАХ - О СВОЕЙ ШКОЛЕ 2022-07-28 03:43:12 - О ШКОЛЕ СЕЛА СУОРДАХ 2022-07-27 19:10:13 - ЖИТЕЛЬНИЦА С.СУОРДАХ - О НАВОДНЕНИИ 2022-07-09 18:10:38 - На реке Дулгалах у села Суордах Верхоянского района произошел подъем уровня воды 2016-09-09 06:18:23 - Юрий Куприянов: «Дмитрий Кононович Сивцев - Суорун Омоллоон – великий человек, связующий поколения своими мыслями и философией» 2015-01-15 11:33:08 - ТЮЗ Якутии начал Год литературы спектаклем по сказке народного писателя республики Суорун Омоллоона |
