Сахалыы сыhыарыы
«Сиэрдээхтэр» дьону көрсөн эрэллэр
Дьыл саҕаламмытынан сибээстээн, Ил Түмэн дьокутааттара кыһалҕалаах дьону кытары көрсөн эрэллэр. «Ньыгыллар» кэннилэриттэн, «Сиэрдээх Арассыыйа» парламеҥҥа баар дьокутааттара «сирдээҕи дьоҥҥо» ааннарын астылар.
Ол курдук, парламент наукаҕа, үөрэххэ, култуураҕа уонна СМИгэ кэмитиэтин чилиэнэ Михаил Филиппов ахсынньы 16 күнүгэр дьону кытары көрсөргө бэлэм.
Доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга туох эмэ боппуруостаах буоллаххытына ахсынньы 9 күнүгэр Зоя Корнилованы кытары көрсүөххүтүн сөп.
Хонтуруоллуур кэмитиэт, мандатнай уонна регламентнай хамыыһыйа, сир сыһыаныгар, сир баайыгар уонна экологияҕа кэмитиэт чилиэнэ Николай Румянцевка сэтинньи 18 уонна ахсынньы 2 күннэригэр тиийиэххитин син.
Тыа сиригэр, хаһаайыстыбатыгар, предпринимательствоҕа сыһыаннаах боппуруостаах дьон Иван Слепцовка киириҥ. Оттон Олох-дьаһах коммунальнай хаһаайыстыбатыгар кыһалҕалаах дьон Сергей Шкуренконы кытары ахсынньы 23 күнүгэр быһаарсыҥ.
Фракция бэрэстээтэлин кытары көрсүөх баҕалаах дьон Ольга Федороваҕа сылдьыҥ. Кини сэтинньи 25 күнүгэр дьону кытары көсрөргө бэлэм.
Көрсүһүүлэр бары Ил Түмэн дьиэтигэр 228 хоско, күнүс 04-06 чч. диэри ыытыллар.
Эрдэттэн 8914 222 96 76 төлөпүөнүнэн суруттараргытын умнумаҥ.
(Кыым.ру - 30.10.10) 2010-10-31 11:30:33 Всего просмотров: 1512 Поделиться: 
Ссылки по ключевым словам:
2014-02-14 07:05:58 - Алексей Еремеев: Дьокуускай тулатынааҕы бөһүөлэктэр кыһалҕалара – бүтүн республика көрсөр кыһалҕалара 2010-10-31 11:30:33 - «Сиэрдээхтэр» дьону көрсөн эрэллэр |
