Сельское хозяйство и АПК
Кыстыгы көрсө
Прокопий ХАБАРОВ
 Бу күннэргэ хаһаайыстыбалар бары кэриэтэ кыстык хотонноругар киирэн атын кэрдиис кэмҥэ үктэннилэр. Ол иннинэ төһө сүөһү кыстыкка киирэрин, төһөтө идэһэлэнэрин, аһылык нуорматын ааҕынан–суоттанан бэлэмнэнэн бу ураты үлэлээх кэмҥэ үктэннэхтэрэ.
Билигин алтынньы ый ортото буолла. Маныаха “Туймаада” Агрохолдинг биир хас да отделениенан сүөһүлэрин тутан олорор “Туймаада” Экоферма кыстыкка туох ситиһиилээх, астаах, төһө сүөһүлээх киирбитин туһунан билсиэххэ.
Бу сыл 9 ыйын түмүгүнэн хаһаайыстыбаҕа барыта 1000 ынах сүөһүлээх. Ол иһиттэн ынаҕа 563 төбө уонна 476 ыччат ыччат сүөһүлээх. Ол курдук Дьокуускайдааҕы отделениеҕа уопсайа 273 төбө ынах сүөһү, ыанара 239, Нөмүгүгэ 686, ыанара 315 төбө турар эбит. Итини таһынан бу хаһаайыстыба 41 төбө ынах сүөһүнү Намҥа тутан олорор.
 Хаһаайыстыба 9 ый түмүгүнэн 1298 тн үүт ыан 1231 тн батарбыт. Бу кэмҥэ диэри биир ыанар ынахтан ортотунан 2840 киилэ үүтү ыабыттар. Манна ордук үрдүк көрдөрүүлээх Дьокуускайдааҕы отд биир ынахтан 2894 киилэ үүтү ыабыт. Оттон Нөмүгү отд-р биир ынахтан 2790 киилэ үүтү ыабыттар. Бу көрдөрүүлэр сыл бүтүөр диэри өссө уларыйыахтара турдаҕа. Хаһаайыстыба үрдүнэн сыл устата 366 төрүөх ылыллыбыт. Манна инники нөмүгүлэр түспүттэр. Бу отделениеҕа 199 ньирэй ылыллыбыт., Дьокуускайдааҕы отделениеҕа 167 ньирэй төрөөбүт.
Быйыл сайын төһө да от үүнүүтэ эриэ-дэхси буолбатаҕын иһин отчуттар былааннарын 72 % толорон 1836 тн оттоох кыстыкка киирдилэр.
Быйыл үүнүү үчүгэй буолан экоферма үлэһиттэрэ сиилэһи кыайа туппуттар. Ол курдук 2980 тн сиилэһи угуохтаахтарын оннугар 3494 тн сиилэһи уган соруктарын 117% толорбуттар.
Итини таһынан 326,7 тн сенаж бэлэмнэммит. Онон кыстык устата сүөһүнү аһылыгынан хааччыйыыга кыах толору баар.
Прокопий ХАБАРОВ
Источник: https://tuymaada-holding.ru/press-center/news/525-kystygy-korso 2025-10-14 06:25:01 Всего просмотров: 447 Поделиться: 
Ссылки по ключевым словам:
2025-10-14 06:25:01 - Кыстыгы көрсө
2024-10-16 07:34:18 - Кыстыкка киирии кэминэн бара турар 2014-02-14 07:05:58 - Алексей Еремеев: Дьокуускай тулатынааҕы бөһүөлэктэр кыһалҕалара – бүтүн республика көрсөр кыһалҕалара 2010-10-31 11:30:33 - «Сиэрдээхтэр» дьону көрсөн эрэллэр |
