Сахалыы сыhыарыы
Павел Астахов кэлэн көс оскуола биирдэ интернеккэ киирэ сырытта
Саргылаана ДАНИЛОВА
Олунньу 10 күнүгэр РФ президенин оҕо быраабыгар боломуочунайа Павел Астахов Өлөөн улууһугар бара сырытта. 12 чааска Дьокуускайтан кэлээт көс оскуолаҕа көттө. Онно тиийэн түҥ былыргыттан уларыйбатах укулааттаах олохтоох көс омуктар аныгы техниканы, технологияны баһылаабыттарын көрөн олус сөхтө-махтайда. Биллэн турар, боломуочунай эрэ кэлбитигэр бу оскуола оҕолоро биирдэ интернеккэ холбоно сылдьыбыттарын сэрэйбэтэ. Павел Алексеевич бараатын кытары интернети араардылар.
Астахов Өлөөҥҥө икки култуурунай кииҥҥэ сырытта: кулуупка уонна реабилитационнай кииҥҥэ. Тымныы оскуолаҕа уонна дьыссаакка сырытыннарбатылар. Бу иннинэ «Астахов кэлэр үһү» диэн тепловой пушканан оскуоланы сылыта сатаабыттарын кэпсээн турабыт. Төһө да ититэ сатааталлар оскуола ирбэтэх. Онон олохтоох уонна өрөспүүбүлүкэ чунуобунньуктара оҕо быраабын араҥаччылааччытын оскуолаҕа, дьыссаакка сырытыннарартан туттуммуттар. Ыраахтан, хас да сылы быһа тутулла сатыыр даҕаны силигэ ситэн биэрбэт саҥа таас оскуола көҥдөйүн көрдөрбүттэр.
Дьокуускайтан Астаховы вице-президент Д.Глушко, вице-премьер Ф.Габышева, үөрэх миниистирэ А.Владимиров уонна Ил Түмэн дьокутаата Голомарева арыаллыы сылдьыбыттар. Кинилэргэ эбии олохтоох дьаһалта үлэһиттэрэ, милииссийэлэр иилии сылдьан боломуочуйалаах киһилэригэр боростуой норуоту чугаһаппакка харабыллаабыттар. Глушко сотору-сотору «сөмөлүөт-сөмөлүөт, бириэмэ-бириэмэ» диэн ыксаталыы сылдьыбыт. Инньэ гынан харах баайыытын 100 % толорбуттар. Боломуочунай бириэмэтин уһун-киэҥ концерт «сиэбит». Астахов иитиитэ бэрт буолан эрэ биир сиргэ олордо диэн олохтоохтор кэпсииллэр. Түмүгэр «олус үчүгэйдик олорор» эбиккит диэн сыана быспыт.
Оскуола учууталлара, төрөппүттэрэ, оҕолоро тымныы оскуолаҕа үөрэнэллэрин, саҥа оскуоланы үлэҕэ киллэриэх буола-буола болдьоҕун сыҕарытан иһэллэрин үҥсэн РФ президенигэр Д.Медведевкэ суруйбут суруктарын кыайан тиксэрбэтэхтэр. Арай, биир элбэх оҕолоох ийэ ханнык эрэ албаһы туттан кэмбиэр туттарбыт. Ону олохтоох чунуобунньуктар суруккун төттөрү ыл диэн ыххайа сатаабыттарын дьахтар кыккыраччы батынан кэбиспит.
Онон сайдыылаах дойдулартан бэйэтинэн тиийэн Арассыыйа детдомун оҕолорун (олус төннүөхтэрин баҕарбатахтарын да иһин) хомуйтаан кэлэр киһи, олохтоох былаас шоутугар марионеткалаан барда. Хотугу эргимтэҕэ сытар Өлөөҥҥө айана турист сынньалаҥын кэриэтэ ааста. Өлөөн туһунан унтуу уонна тирии көбүөр бэлэхтэрэ эрэ өйдөбүл буолуохтара турдаҕа. Оттон олохтоох кыра-хара норуот бэйэтин кыһалҕатыгар бэйэтэ батыллан хааллаҕа.
(Кыым.ру - 12.02.11) 2011-02-13 05:14:19 Всего просмотров: 1794 Поделиться: 
Ссылки по ключевым словам:
2024-05-29 04:03:14 - Бааһынай хаһаайыстыбалар биир идэлээхтэригэр санааларын уураллар 2023-12-28 11:10:11 - Александр Жирков: Аграрнай оскуолалар тыа ыччатын аныгы технология эйгэтигэр уһуйуу, сайдыы кииннэрэ буолуохтара 2023-06-27 09:00:13 - Александр Жирков: Төрөөбүт тылы үөрэтиигэ оскуола суолтатын атын ханнык да тэрилтэ, тэрээһин кыайан солбуйуо суоҕа 2023-06-24 06:03:39 - Туймаада хочотугар олорор биир дойдулаахтарбыт уонна ыалдьыттар! 2023-05-30 13:04:12 - Халаан уута: Александр Жирков СӨ Бырабыыталыстыбатын Бэрэссэдээтэлэ Андрей Тарасенконы кытта көрүстэ 2023-01-24 15:19:17 - Александр Жирков Москваҕа госпитальга сытар байыастары көрүстэ 2022-11-22 06:20:18 - Аҕыйах үөрэнээччилээх оскуолалар дьылҕаларын Ил Түмэн бэйэтин көрүүтүгэр ылла 2021-08-10 06:44:16 - В Тастахский наслег направлена колонна добровольцев и военная техника 2020-08-04 04:28:08 - Вопросы лесозаготовки в Якутии регулируются федеральными законами. Минэкологии ответило на обращение представителей движения ”Амманы көмүскүүбүт!” 2019-09-05 05:32:33 - О «БАЛЛАСТАХ» И «ПРИДУРКАХ», или Что хорошего сказал и не сказал Глава Якутии и почему
|
