Сахалыы сыhыарыы
Куоһаҕаска сайылык күнэ
Прокопий ХАБАРОВ
 «Бөртө сылгы собуота» быйыл сайылыктарын муус устар бүтэһик күннэриттэн саҕалаан булбуттара. Ол курдук муус устар бүтүүтэ борроскулары, онтон ыам ыйын саҕаланыыта үс сайылыгынан 417 ыанар ына5ы уонна 317 ньирэйи таһаарбыттара.
Бу күннэргэ кэмигэр ардаан күөх от бытыгыраан тахсан сүөһү мэччирэҥэ тупсан үүт ыама үрдээн эрэр. Бу күннэргэ күн аайы үс сайылыгынан 4500 киилэ үүт ыана турар. Сайылык аайы үстүү ыанньыксыт, алта бостуук уонна биэс ньирэй көрөөччү үлэлиир.
Билигин айылҕа уһуктан, от-мас ситэн саамай үтүө күннэр үүннүлэр. Ону баттаһа Бөртөлөр бу ый 4 күнүгэр сайылык күнүн Куоһаҕас алааһыгар тэрийэн ыыттылар.
Бу тыа хаһаайыстыбатын үлэһит дьонун ситиһиилэрин бэлиэтиир үтүөкэн күҥҥэ биир баайтаьын ынаҕы идэһэлээн үлэһиттэргэ уонна ыалдьыттарга анаан маанылаах остуол тэрийдилэр. Быйылгы сайылык күнүн улуу кыайыы 80 сылыгар анаан тэрийэн тэрээһин кэнсиэрдэрэ, күрэхтэһиилэрэ онуоха туһаайылынна.
Манна биир түгэни бэлиэтиэххэ сөп. Бу тэрилтэттэн улэлии сылдьан моблизацияҕа түбэһэн анал байыаннай дьайыыга барбыт үлэьит бааһыран дойдутугар кэлэ сылдьарын чиэстээн көмө харчы биэрдилэр.
Сайылык күнүн биир бэлиэ түгэнинэн кыстык түмүгүнэн бастыҥ үлэһиттэри чиэстээһин буолла. Уу көхсө алаас старшай ыанньыксыта Борисова Раиса Иннокентьевна бастаан мал маҕаһыынын сертификатын тутта, иккис, үһүс миэстэлэргэ Мондурах уонна Кутаҕас алаастара таҕыстылар, старшайдар Лукина Лариса Дмитриевна, Трофимова Валентина Ильинична.
Итини таһынан Лукина Лариса Дмитриевна улуус тыатын хаһаайыстыбатын бочуоттаах үлэһитин бэлиэтин үөрүүлээх быһыыга-майгыга тутта.
Итини тэҥэ кыстык кэмигэр таһаарыылаахтык үлэлээбит үлэһиттэр тэрилтэттэн, олохтоох дьаһалтаттан бириэмийэ тутан үөрдүлэр-көттүлэр. Бу күн байыаннай ис хоһоонноох ырыаҕа, хоһооҥҥо, үҥкүүгэ күрэх буолла уонна көрдөөх эстафета ыытыллан дьон санаата чахчы көтөҕүлүннэ.
Источник: https://tuymaada-holding.ru/press-center/news/503-kuohagaska-sajylyk-kyne 2025-06-06 12:29:41 Всего просмотров: 26 Поделиться: 
Ссылки по ключевым словам:
2025-06-06 12:29:41 - Куоһаҕаска сайылык күнэ 2025-05-24 08:18:39 - САЙЫЛЫККА ТАХСЫЫ ТЭРЭЭҺИННЭЭХТИК БАРА ТУРАР
2025-05-22 04:29:34 - С Днем Сайылыка!
2025-05-22 04:28:28 - Глава Якутии Айсен Николаев поздравляет с Днём сайылыка
2025-03-26 06:10:21 - Коневоды из Амгинского улуса победили в соревнованиях "Сылгыһыт күрэҕэ" 2025-02-13 05:39:44 - Алексей Еремеев төрөөбүт тыл уонна сурук-бичик күнүнэн эҕэрдэтэ 2024-10-13 06:12:57 - Тыа хаһаайыстыбатын уонна астыыр-үөллүүр салаа үлэһиттэрин күнүнэн 2023-12-06 17:34:05 - В Амгинском улусе в отделении "Күллэги" предприятия «Якутский скот» введены два коровника 2022-05-23 11:24:14 - В День сайылыка открылись новые объекты, в которых будет содержаться якутский скот 2022-05-22 11:56:52 - В День сайылыка на Колыме первые подвижки льда
|
