Сахалыы сыhыарыы
Саха киһитин санаатын сааһылыыр кэмэ кэллэ
Татьяна НАЗАРОВА, "В Якутии.ру" интернет-хаhыат анал корреспондена
Аҕыйах хонугунан Арассыыйа президенын - сирдьитин - талыы күнэ-дьыла кэлээри тыҥаан аҕай турар. Талыы испииһэгэр киирбит кандидаттар элбэхтэрэ, сорох сорохторун ааттара улахан политикаҕа саҥа иһиллибиттэрэ киһини сөхтөрөр.
Онон боростуой дьон-норуот ханнык кандидакка санаатын ууруон билбэккэ муна-тэнэ сылдьар курдук. Санаатыгар, сүбэ-ама эрэйэн хаһыаты, араадьыйаны, телевизоры, аныгы үйэ ситимин – ватсаабы - өрүү кэтиир-маныыр.
Уонна, биллэн турар, республика салалтатын, норуот интэриэһин ханнык баҕарар таһымҥа көмүскүөхтээх депутааттар, барыта үчүгэй олоҕу тутарга биир тэҥ сыаллаах соруктаах гынан баран, араас ааттаах - "ньыгыллар", "сиэрдээхтэр", хомуньуустар - баартыйалар санааларын истэ-билэ сылдьар.
Оттон дьон-сэргэ саамай кэтэһэр-манаһар, бэйэтин тус быһаарыытын ылыныан иннинэ сүбэтин-аматын эрэйэр түмсүүтүнэн "Сомоҕо күүс" хамсааhын буолар буолбатах дуо?..
Бу "Сомо5о күүс", былырыын юстиция Департаменыгар регистрация ааһан, сокуоннайдык түмсүү быһыытынан ааҕыллан турар. Оттон ким да ыйыытынан-кэрдиитинэн буолбакка, норуот бэйэтин иһиттэн тэриллэн тахсыбыт тэрилтэ быһыытынан, сыала-соруга норуоту түмэн-сомоҕолоон, баай-талым дьоллоох олоххо тиэрдии буолар буоллаҕа.
Уонна боростуой дьон норуот иһиттэн тэриллэн тахсыбыт түмсүү норуот кыһалҕатын иһиттэн, атыннык эттэххэ, олох алларааттан билэ-көрө сылдьар буоллаҕа. Дьэ, бу кэмҥэ, буккуллуу-мунуу-тэнии бүрүүкээбит кэмигэр, норуот хараҕын аһан, сырдатан, норуокка кырдьыгы кэпсээн, норуот тугу туруорсар санаалааҕын билэн, ону тоһоҕолоон, үөһээҥҥи былаастарга тиэрдии, норуот интэриэһин көмүскээһин, оттон бу талыы кэмигэр ханнык кандидат норуокка ордук чугаһын, норуот интэриэһин өрө тутарын, норуот олоҕун тупсарарга туруорсарга кыахтааҕын, санаалааҕын билэн-көрөн, ону дьоҥҥо кэпсээһин, сырдаатыы – бу кини сүрүн үлэтэ буолуохтааҕа.
Ол курдук санаан дьон-сэргэ кинилэр хамсаныыларын кыраҕытык манаһа сылдьар. Былырыын тэриллэн ыытыллыбыт түмсүү мунньаҕа быйыл эмиэ ол кэмҥэ тэриллэн ыытыллыахтааҕа былааннанарын норуот бэркэ сэргии истэн кэтэспитэ.
Онто олох да талыы бүппүтүн кэннэ, этэргэ дылы, бүтүөх бүппүтүн, быһаарыллыах быһаарыллыбытын кэннэ ыытыллыахтааҕын истэн, дьон олус соһуйда.
Оччотугар, уруккуну санаан ааһыаҕыҥ...
Ол курдук, тура сылдьыбыттара: сир түҥэтигин сокуонун бырайыагын ырытыһыы, химическэй собуот тутуллуутун утарсыы курдук норуот олоҕор улахан суолтаны ылыахтаах боппуруостар.
Онно син кыттыыны ылбыт курдук буолбуттара да… Сир түҥэтигин сокуона олоххо киирбитэ, химическэй собуот тутуллааһынын боппуруоһа билигин да аһаҕас турар.
Оттон билигин, бу Арассыыйа Президенын талыы курдук, улахан, тыын суолталаах боппуруос син биир түмсүү улахан кыттыгаһа суох ааһаарыгар тиийэн эрэр. Тоҕо маннык буолла?
Дьону түмэр-көҕүлүүр-сомоҕолуур сыаллаах-соруктаах түмсүүбүт тоҕо бытаарда, сэниэтэ-мэрэ суох буолла, саҥаран иһэн кэлэҕэйдээтэ ?..
Дьиҥ иһинэн олус күүстээх ааттаах - "Сомоҕо күүс" диэн… Биллэн турар, норуот күүһэ - көмүөл күүьэ диэн дэлэҕэ эппэттэр дии. Ону сатаан салайар, сирдиир, чахчы чаҕылхай түмсүү буолуохтааҕа эрэйиллэрэ.
Инники өттүгэр, хаһан олох көнүөр диэри үлүгэрдээх хапсыһыылар күүтүллэллэрэ саарбаҕа суох. Олорго киирбэккэ да сылдьан мунна-уоһа сынтарыйар, уоһа-тииһэ кэрбэнэр, тыла-өһө сыппыыр буоллаҕына, түмсүү инники өттүгэр дьону көҕулүүр-сомоҕолуур кыахтаах дуу суох дуу диэн ыйытыаҕы баҕарыллар.
2018-03-09 08:54:47 Всего просмотров: 1479 Поделиться: 
Комментарии
Всего
[0]
Ссылки по ключевым словам:
2022-03-11 11:46:48 - СУНТААР УЛУУҺУН БАҺЫЛЫГА АНАТОЛИЙ ГРИГОРЬЕВ БИЛИҤҤИ ТЫЫН СУОЛТАЛААХ БОППУРУОСТАРГА САНААТА 2018-12-24 10:51:28 - Аркадий Алексеевка Саха Өрөспүүбүлүкэтин Бочуоттаах гражданинын үрдүк аата иҥэриллэрин туhугар дьон-сэргэ ба5а санаата (аhа5ас сурук) 2018-05-30 18:35:41 - ВЛАДИМИР ПОСКАЧИН САНААТА 2018-03-14 14:42:24 - ТУРУГУРДУН УЛУУ РОССИЯ, ТУРУГУРДУН САХА ОМУГА! (Владимир Поскачин санаата) 2018-03-09 08:54:47 - Саха киһитин санаатын сааһылыыр кэмэ кэллэ 2012-08-31 10:17:33 - Афанасий МАКСИМОВ оскуола программатыгар ИТЭҔЭЛИ үөрэтии киирбитигэр тус санаата 2012-06-18 21:06:47 - КИИН БЫЛААС БА5АТЫН УТАРАР КЫАЛЛЫА ДУО? Ил Түмэн дьокутаата Александр Морозкин "АЛРОСА" атыытын туһунан санаата
2011-05-12 01:40:27 - Д.Глушко миитин кэмигэр санаата 2010-09-19 22:33:44 - Саха Республикатын Президенэ Егор Борисов Бүлүү улууһун Хампа сэлиэнньэтигэр саҥа таас оскуоланы үөрүүлээхтик аһыыга эппит санаата |
