В парламенте
АЛЕКСАНДР ЖИРКОВ БЫСТАХ ХОМУУР ТУҺУНАН
С. Васильев
Дойду Президенэ В.В. Путин бу дьыл балаҕан ыйын 21 к. Ыйааҕынан РФ олохтоохторугар быстах хомуур (мобилизация) биллэрилиннэ. Сонно Арассыыйа субъектарыгар анал көрүллүбүт квотанан бу дьаһалга хабыллар дьону бэбиэскэнэн хомуйуу саҕаланна.
Өрөспүүбүлүкэ үгүс салайааччылара бу быстах хомуур туһунан, В.В. Путин дьаһалын өйүүр туһунан анал этиилэри оҥордулар. Сорохтор санааларын этэртэн туттуннулар.
Дойду Президенин бу дьаһалын туһунан ыйытыыга Ил Түмэн бастакы вице-спикерэ Александр Жирков маннык эттэ:
“Киһи үөрэрэ суох. Ааспыт Аҕа дойдуну көмүскүүр Улуу сэрии норуот өйүттэн сүтэ илик.
Кимнээх хомуурга хаптарбаттарын туһунан дьаһал тахсан турар. Ис хоһоонун дьон барыта билиэх тустаах. Бэҕэһээ орто анал уонна үрдүк үөрэххэ күнүһүн уонна кэтэхтэн үөрэнэр студеннары хомууртан босхолуур туһунан эбии Дьаһал таҕыста. Инникитин атын чэпчэтиилэр, ол иһигэр Хотугу аҕыйах ахсааннаах норуоттар эҥин туһугар баар буолуохтарын сөп дии саныыбын. Билигин быстах диэн ааттаммыт спецоперация Луганскай, Донецкай, Херсон, Запорожье сирдэригэр барар. Бу күннэргэ ити сирдэргэ Арассыыйа иһигэр киирэр-киирбэт туһунан ыйытык (референдум) буола турар, үс күннээх.
Онуоха «киирэбит» диэтэхтэринэ Арассыыйа ити уобаластары бэйэтин иһигэр ылар туһунан дьаһаллары оҥостуо. Оччоҕо ити сирдэргэ кыргыһыы Арассыыйа иһигэр буола турар буолан тахсыа, ол сирдэри босхолооһун иһин кыргыһыыга кубулуйуон сөп. Ол содулун билигин ким да этэр кыаҕа суох. «Балык ыамнаах, киһи күннээх” диэн мындыр өбүгэлэрбит этэллэрэ. Бу кыһарҕаны биһиги норуоппутугар сүктэриллибит ытык иэспит курдук ылынар эрэ кыахтаахпыт, оччоҕуна бөҕөх, кыайыылаах буолуохпут”.
2022-09-26 11:41:03 Всего просмотров: 481 Поделиться: 
Ссылки по ключевым словам:
2026-04-19 15:13:04 - Некоторые студенты смогут быстрее получить место в общежитии 2026-03-26 06:29:54 - Полномочия депутата Ил Тумэна Александра Иванова* прекращены досрочно в связи с приобретением статуса иностранного агента 2026-02-25 13:37:15 - Парламент Якутии выразил несогласие с публичными высказываниями депутата Александра Иванова
2026-02-15 08:50:50 - Уус-Майа улууhун Эдьээн нэhилиэгин баhылыга Александр Миндаев комментарийа 2026-02-12 05:26:10 - Комментарий геолога компании "Нордголд" Александра Шпекторова
2026-01-24 15:34:00 - Александр Корякин наградил жителей Амгинского улуса, внёсших вклад в социально-экономическую политику РС(Я) в области строительства 2025-12-31 15:06:02 - Новогоднее поздравление от министра сельского хозяйства Якутии Артема Александров
2025-11-22 13:58:46 - Определены финалисты всероссийского турнира по вольной борьбе Александра Крылова 2025-11-21 02:12:53 - Выступление депутата Ил Тумэн Александра КОРЯКИНА на круглом столе Экспертного клуба по проблемам ЖКХ 2025-10-16 12:36:19 - Александр Михайлов и «Ёшкин кот» |
