Сахалыы сыhыарыы
Күндү сахабыт дьоно!
Зинаида ИГНАТЬЕВА, Михаил ЛЮЙ ДЕН, "В Якутии.ру" интернет-хаhыакка анаан
Зинаида Игнатьева
Бу күннэргэ хоруона биирис – ханнык эрэ хара санаалаах, төннөр сүргүөхтээх адьарай киһитэ элбэх киһини өлөрөр-өһөрөр сыаллаах-соруктаах айан таһаарбыт хоруона биириһэ Аан ийэ дойдубутун аһара аймаан эрэрин бары көрө-истэ сылдьабыт.
Аҕыйах ый иһигэр Аан дойду саамай сайдыылаах дойдуларыгар күүскэ тарҕанан, олус элбэх киһи өлөн, бу эпидемияны пандемия диэн ааттыырга күһэлиннилэр. Кытай, Корея, Италия, Америка, Испания, Германия, Индия .... элбэх дойду сутулунна.
Биһиги Арассыыйабытыгар да кутталлаах уустук кэм кэллэ. Ону төһө да уопсай паниканы таһаарыахпытын баҕарбатарбыт да, Президент Путин В.В. Конституцияҕа уларытыыны киллэрэргэ кыаҕы биэрэр быыбары көһөрбүтүттэн да чуолкайдык өйдөөтүбүт. Хайдах да буолбутун иһин, дьон-сэргэ ити ынырык сүлүһүннээх ыарыыга хаптаран, маассабайдык өлөн-сүтэн бардахтарына, туох да бэйэлээх Конституцията туһалыыра, наада буолара да биллибэт түгэнэ үөскүөн сөп буоллаҕа. Оттон хоруона биирис, төһө эмэ утары охсуһуу барарын үрдүнэн, чыпчылҕан түгэнэ тарҕанар кыахтааҕын көрдүбүт дии.
Онон тугу элбэҕи саҥаран билээҕимсийиэхпитий, дакаастыы сатыахпытый? Боростуойдук этэбит, көрдөһөбүт, ыарыы тарҕанарын тохтоторго үлэлэһиэҕиҥ!
"Хайдах?" - диэххит. Олох боростуой. Ыарыы киһиттэн киһиэхэ ыстаҥалыырын боһойуоҕуҥ. Киһиттэн киһиэхэ ыстанан, тарҕанан испэтэҕинэ, ону таһынан дезинфекция уулуссаҕа, маҕаһыыннарга, автобустарга, дьон сылдьар сиригэр ыытылыннаҕына, бэйэбит сууна-тараана сырыттахпытына, кини да бэйэлээх мөлтүөҕэ, устунан сүтэн барыаҕа.
Онон аҕыйах бириэмэҕэ, хоруона биирис инкубационнай периодын кэмин хабар гына, бары бииргэ карантиҥҥа барыаҕыҥ. Иммунитета мөлтөөбүт дьон, бэйэбит саастыылаахтарбыт, дьиэттэн букатын тахсыбакка, оттон үлэлиир саастаахтар да, хайдах сатанарынан дьиэлэриттэн олорон үлэлээн, оҕолору, эдэр ыччаты бэрээдэктээн, ыарыы олох тарҕамматын ситиһиэҕиҥ. Ол бэйэбит туспутугар, бэйэбит чэгиэн доруобуйабытын харыстыыр туһугар, инники кэскилбит туһугар.
Бу күннэргэ Сахабыт сирин үрдүкү салалтата дьонугар кыһаллыытын бары көрө, махтана сылдьабыт. Ил Дархаммыт Айсен Сергеевич Николаев күн аһарбакка ыарыыга утарылаһыыны тэрийэ сылдьара, бу инфекцияны кыайыыга улахан эрэли үөскэтэр.
Өрөспүүбүлүкэ хас биирдии киһитэ чэгиэн-чэбдик доруобуйалаах буолара – ол өрөспүүбүлүкэ сүрүн баайа! Бары биир санаанан, барыбыт доруобуйатын туһугар диэн туран, дьиэттэн тахсыбакка, ыарыы тарҕанарын кыпчыйыаҕыҥ диэн ыҥырабыт. Биһиги хотуохпут!
ЯРОО "Патриот" аатыттан Зинаида Игнатьева, Михаил Люй Ден. Кулун тутар ый 27 күнэ, 2020 сыл. 2020-03-27 08:27:26 Всего просмотров: 491 Поделиться: 
Комментарии
Всего
[0]
Ссылки по ключевым словам:
2025-06-25 05:52:55 - Алексей Еремеев: Иннокентий Бочкарев олоҕун холобура дьону патриотизмҥа угуйар 2025-06-21 11:33:46 - Күндү биир дойдулаахтарым, ытыктабыллаах Дьокуускай куорат олохтоохторо, ыраахтан-чугастан ыҥырыллан кэлбит ытык-мааны ыалдьыттар! 2025-01-27 07:56:20 - Андрей Находкин: Чыамайыкыга дьону долгутар боппуруостарга кэпсэтии буолан ааста 2024-11-30 06:46:18 - Владимир Прокопьев: Саҥа сокуон киириитигэр дойдубут уратыта, дьон-сэргэ интэриэһэ учуоттаныаҕа 2024-11-03 10:55:20 - В Правительстве Якутии рассмотрели вопросы развития ФАПК «Сахабулт» 2023-07-30 16:17:51 - Тыа хаһаайыстыбатын министиэристибэтинэн бэриллэр судаарыстыба өйөбүлэ тыа сирин дьиҥнээх үлэһит дьонугар тиийбэт - эксперт 2021-12-13 08:11:45 - КЭРИЭСТЭБИЛ. Дьон өйдүүрүн тухары – киһи тыыннаах 2020-03-27 08:27:26 - Күндү сахабыт дьоно! 2018-12-24 10:51:28 - Аркадий Алексеевка Саха Өрөспүүбүлүкэтин Бочуоттаах гражданинын үрдүк аата иҥэриллэрин туhугар дьон-сэргэ ба5а санаата (аhа5ас сурук) 2018-11-03 08:23:20 - Состоялось открытие 2-й очереди торгово-выставочного центра ОАО ФАПК «Сахабулт» |
