Сахалыы сыhыарыы
Ил Түмэн көмөтүнэн хаайыылаахтарга «коммунизм» кэлиэҕэ
Судьуйа, милииссийэ уонна быраас үлэтэ суох хаалар кэмэ – коммунизм диэн буолара. Ким да кими да албыннаабат, ким да кими да өлөрбөт, эчэппэт. Ил түмэн дьокутааттарын көмөтүнэн хоту улуустарга өлөрүөхсүттэргэ, бандьыыттарга дьэ «коммунизм» үйэтэ кэлээри турар.
Федерация сүбэтигэр Саха сирин аатыттан мунньахтыыр бырааптаах В.Штыровпут, бэрэсидьиэннээн олорбут биир хобдох түмүгүнэн – хоту улуустарга уонна Тааттаҕа, Аммаҕа улуустааҕы сууттары сабар туһунан Ил Түмэн «уоһунан» саҥаттарбыта.
Сиэри таһынан истигэн дьокутааттарбыт ээҕи кытары ээх буолсан, «хоту улуустар сууттарын холботолуохха» диэн Госдумаҕа тыл киллэрбит. Госдума дьокутааттара бу сокуон барылын алтынньы 19 күнүгэр дьүүллэһиэхтээхтэр.
Федот Тумууһап, бу сокуон барылын утарар тыл бэлэмнии сылдьар диэн буолар. Хоту суол-иис быстар мөлтөҕүн ааһан, олус сыаналаах. Атаҕастаммыт дьон суукка бэйэлэрин үптэринэн-астарынан тиийиэхтээхтэр. Буруйданар киһи судаарыстыба суотугар босхо «таһыллар». Өссө атаҕастаныам да, өссө оччо орускуоту сүгүөм да! Тыа дьоно сордоохтор аҥаардас кэтэх хаһаайыстыбаларынан олороллорун, харчылара татымын бэрэсидьиэн, дьокутаат даҕаны өйдүүр кыаҕа суох. Кинилэр тириилэрин хаһан да кэтэн көрбөтөх буоллахтара. Килиэп ыларга сыр харчыны көрдөөн урукку-хойукку кэтиллибит таҥас сиэбин сөргүйэр диэни кинилэр түһээн да баттаппаттах дьыалалара. Хахай кутуйаҕы хайдах да өйдүүр кыаҕа суох.
Тумууһап маладьыаһынан маладьыас эрээри, кини, сууттары сабар туһунан «инициатива» Госдумаҕа киирэригэр эмиэ Ил Түмэн дьокутаата буолбатах этэ дуо? Баҕар, утарсыбытын истибэтэхпит дуу? Чэ, хайдаҕын да иһин, Госдума трибунатыттан Саха сирин интэриэһин көмүскүөх тустаах.
Оттон атын дьокутааттарбыт тоҕо тыллара-өстөрө иһиллибэтий? Песковская, Эверстов? Дьиҥ дьыаланан көмөлөһүүгэ кыттыһыа эбиттэр.
Ханнык оройуон суута сабылларый, хана көһөрүй?
1) Эдьигээн суута сабыллан Булуҥҥа көһүөхтээх.
2) Амма -- Мэҥэҕэ.
3) Анаабыр, Өлөөн – Мииринэйгэ (бу ырааҕын!).
4) Горнай – Намҥа.
5) Аллараа Халыма, Орто Халыма -- Үөһээ Халымаҕа.
6) Муома -- Өймөкөөҥҥө.
7) Үөһээ Дьааҥы, Эбээн Бытантай – Томпоҕо.
8) Абый, Аллайыаха – Усуйаанаҕа.
9) Таатта – Уус Алдаҥҥа.
Этэргэ дылы, сотору милииссийэ отделларын кытары сабан, холбоон криминалы өссө бууһа босхо ыыталлара дуу…
(Кыым.ру - 14.10.10)
2010-10-14 11:30:15 Всего просмотров: 1581 Поделиться: 
Ссылки по ключевым словам:
2025-04-08 02:08:41 - Ил Түмэн дьокутааттара Нам улууһун дэлэгээссийэтин көрүстүлэр 2024-08-18 00:25:05 - В Нюрбе состоялось официальное открытие II Республиканского молодежного фестиваля «Түмэр түгэн» 2023-01-21 14:02:47 - Алексей Еремеев Нам улууһун 2022 сыллааҕы түмүгүн таһаарыытыгар кытынна 2022-11-22 06:20:18 - Аҕыйах үөрэнээччилээх оскуолалар дьылҕаларын Ил Түмэн бэйэтин көрүүтүгэр ылла 2022-02-12 16:26:50 - «Бу Дьокуускай» биэриигэ: Саха сирин ойуурун түмэлигэр (11.02.22) 2019-01-12 06:11:28 - «У НАС ПОЯВИЛАСЬ ПОЛИЦИЯ НРАВОВ?». Рейды общественников «Үс түмсүү» по клубам вызвали неоднозначную реакцию 2018-05-05 00:34:51 - Ил Түмэн бэрэссэдээтэлэ Александр ЖИРКОВ ааспыт быһылааҥҥа сыһыанын эттэ 2017-05-22 18:40:25 - Бүгүн Ил Түмэн народнай депутатын Александр Романовы тиһэх суолугар атаардылар 2017-02-14 22:12:16 - Ил Түмэн депутаттара Мэҥэ Хаҥалас улууһун күнүгэр 2015-04-17 21:29:58 - Депутат Госсобрания (Ил Түмэн) Александр Романов присоединился к акции «Вызов-кузов!» |
