ЗАВОД ЯТЭК: ЗА И ПРОТИВ
Тыа хаһаайыстыбатын сайдыытыгар төһүү буолуоҕа
Мин тус бэйэм Саха сиригэр метанолу буолбакка, убатыллыбыт гааһы оҥорон таһаарыы суолталаах дии саныыбын. Ол курдук, биһиэхэ Арктика улуустара оттукка уонна ууну сылытыыга күндү сыаналаах дизель уматыгын уонна чоҕу тутталлар. Хара баһаам кээмэйдээх уматыгы тиэйии-тиэрдии ороскуотун туһунан этэ да барыллыбат.
Чэпчэки сыаналаах, экология өртүнэн ыраас убатыллыбыт гааһы уматыкка туттуу хотугу сир нэһилиэнньэтин, өрөспүүбүлүкэ бүттүүнүн даҕаны олоҕун лаппа тупсарыа этэ. Бүддьүөккэ үп-харчы киллэриэхтээх кыраныысса таһыгар атыыланар бородууксуйа туһунан этэр буоллахха, онно даҕаны убатыллыбыт гаас аан дойду үрдүнэн биир саамай тарҕаммыт уонна ирдэниллэр уматык буолар.
Тыа хаһаайыстыбатынан дьарыктанар улууска бырамыысыланнай тэрилтэ тутуллуо суохтаах диэн санаа баар. Мин санаабар, бу сыыһа. Тыа хаһаайыстыбата уонна бырамыысыланнас курдук тирэх салаалар сайдыыларын утарыта туруорар сатаммат.
Экономиканы сайыннарар кыахтаах, куттала суох бырамыысыланнас тыа хаһаайыстыбатын эмиэ өрө тардар айылгылаах, ол эбэтэр, бырамыысыланнас куораттарга дьону түмэр күүстээх буоллаҕына, онно тыа хаһаайыстыбатын бородууксуйатын батарарга улахан ырыынак үөскүүр. Оттон ыччат туһунан этэр буоллахха, эдэр каадырдар төрөөбүт улуустарын, дойдуларын сайдыытыгар үлэлииллэригэр кэскили көрөн быһаарыы ылыныахха наада. Ол эбэтэр, кинилэр үлэ миэстэтин талар кыахтаах буолуохтаахтар: ким эрэ тыа хаһаайыстыбатыгар, ким эрэ бырамыысыланнаска олоҕун аныаҕа. Онуоха кыах биэриэххэ баара.
Николай Лепчиков, «Водоканал» АУо генеральнай дириэктэрин сүбэһитэ
Источник: газета "Эркээйи" от 17 ноября 2017 года.
ДРУГИЕ МАТЕРИАЛЫ СПЕЦРАЗДЕЛА:
ЗАВОД ЯТЭК: ЗА И ПРОТИВ 2017-11-18 07:03:39 Всего просмотров: 1042 Поделиться: 
Ссылки по ключевым словам:
2024-10-13 06:12:57 - Тыа хаһаайыстыбатын уонна астыыр-үөллүүр салаа үлэһиттэрин күнүнэн 2023-07-30 16:17:51 - Тыа хаһаайыстыбатын министиэристибэтинэн бэриллэр судаарыстыба өйөбүлэ тыа сирин дьиҥнээх үлэһит дьонугар тиийбэт - эксперт 2018-12-20 09:51:29 - Александр АТЛАСОВ: “Сири сөпкө туһаннахха — тыа хаһаайыстыбата сайдар кыахтаах”
2017-11-18 07:03:39 - Тыа хаһаайыстыбатын сайдыытыгар төһүү буолуоҕа 2017-11-16 07:02:26 - Уустук эрээри, олус суолталаах быһаарыныы буолуоҕа 2017-11-16 07:00:18 - Улуус сайдыытыгар тирэх буолуо 2016-01-26 14:23:04 - Ил Дархан Егор БОРИСОВ тыа хаһаайыстыбатын туһунан саҥа сокуону дьүүллэһэргэ ыҥырыытын Госдума депутата Федот ТУМУСОВ өйөөтө
2013-12-14 19:29:51 - Тыа хаһаайыстыбатын академиятын ректора студеннарын туохха үөрэтэрий? 2012-12-15 09:49:38 - Дьокуускай куорат хаһаайыстыбата дьаһалталаах хаһаайыны күүтэр 2011-03-12 09:05:11 - И.Я.Строд аатынан тыа хаһаайыстыбатын производственнай кэпэрэтиибин ыҥырыы суруга |
