Сахалыы сыhыарыы
Ил Түмэҥҥэ ЦЕНЗУРАНЫ олохтуур дьаһал ким уоһуттан тахсыбыта
Парламент бастакы мунньаҕар тыл, санаа көҥүлүн хаарчахтыыр (сессия кэмигэр суруналыыстар депутаттары кытары көрсүһэллэрин "бэрээдэктээһин") саҥа дьаһалы ким толкуйдаабытый диэн боппуруоска эргиллэбит.
Суруналыыстар, биллэн турар, 5-с мунньах спикеринэн талыллыбыт/анаммыт Александр ЖИРКОВ дьаһала диэн түмүк оҥорбуппут. Онуоха, бэҕэһээ Ил Түмэҥҥэ үлэлиир киһи (аатын аһаҕастык ыйарбытыттан туттунна) суруналыыстар эрдэ испииһэктэнэн эрэ баран депутаттары кытары көрсүһүөхтээхтэр диэн бэрээдэги "спикер буолбакка, пресс-сулууспа салайааччыта Татьяна МАРТЫНОВА БЭЙЭТЭ толкуйдаабыт" диэн тыллаата. Итини таһынан МАРТЫНОВА парламент иһинээҕи дьаһалы киэҥ ааҕааччыга таһаарбыта буруйга ахтылынна. Санатар эбит буоллахха, парламент пресс-сулууспата СМИларга спикер ЖИРКОВ бастакы дьаһалын тарҕаппыта. Онно депутаттар А.УАРОВ уонна Е. ГОЛОМАРЕВА "быстах кэмҥэ кэмитиэттэр председателлэрин эбээһинэһин толорооччуларынан анаммыттара" этиллэрэ. Информация тахсыбытын кэннэ, аны сырыһыннара пресс-сулууспа "бэчээттээмэҥ" диэн көрдөһүүлээх сурук ыыппыта. Оттон тыл барда, информация турда - тугу төттөрү-таары уһулуоххунуй, барда да барда.
Онон Ил Түмэн пресс-сулууспатын салайааччыта Татьяна МАРТЫНОВА дьыл саҕаланарыгар икки "буруйу" оҥорбут: 1 - тыл көҥүлүн хаарчахтаабыт, 2 - парламент иһинээҕи суругу киэҥ дьүүлгэ таһаарбыт. Итинтэн сылтаан эбитэ дуу, МАРТЫНОВА үлэтин контрага 5 сылга буолбакка 1 сылга эрэ уһатыллыбыт.
Ил Түмэн пресс-сулууспатын салайааччытынан бу иннинэ Петр ВАСИЛЬЕВ үлэлээбитэ. Онтон "СИАны" салайбыт Т.ТАРАСОВА сүбэтигэр президент олус наадыйбытын кэннэ, ВАСИЛЬЕВ "СИА" генеральнай дириэктэринэн барбыта. Кини үйэтин сааһын тухары суруналыыстаабыт, уопуттаах киһи буоларын быһыытынан үлэлииргэ олус судургу буолара.
Оттон Татьяна МАРТЫНОВА суруналыыстыкаҕа туох да сыһыана суох киһи, арай Уус Алдантан төрүттээҕэ таайан буолуо - ЖИРКОВ рекомендациятынан кэлэн хаалбыт "суруналыыс-начаалынньык". Онон спикер "бэйэтин каадырыттан" бэйэтэ бастакы охсууну ылла.
МАРТЫНОВА үөрэҕинэн - нуучча тылын уонна литературатын учуутала, олигофренопедагог.
***
Аартык.ру - 05.10.13:
http://aartyk.ru/obshestvo/item/3707-il-t%D2%AFme%D2%A5%D2%A5e-tsenzurany-olohtuur-da%D2%BBal-kim-uo%D2%BButtan-tahsybyta 2013-10-05 15:31:53 Всего просмотров: 1988 Поделиться: 
Ссылки по ключевым словам:
2013-10-05 15:31:53 - Ил Түмэҥҥэ ЦЕНЗУРАНЫ олохтуур дьаһал ким уоһуттан тахсыбыта 2013-10-03 14:31:04 - ЦЕНЗУРА В НОВОМ ПАРЛАМЕНТЕ. Журналистам и депутатам запретили свободные пресс-подходы 2012-12-15 09:49:38 - Дьокуускай куорат хаһаайыстыбата дьаһалталаах хаһаайыны күүтэр 2012-12-13 19:27:02 - Ахсынньы 12 күнэ - дойду Төрүт сокуонун күнэ. Норуот депутатын бириигэбэрэ тахсыбыта 1 сыл буолла 2012-11-20 07:17:23 - «Где нужна железная цензура, так это здесь!» Депутаты обсудили взаимодействие власти и СМИ
2011-12-29 22:43:08 - Анатолий Кырджагасов: «Дьокуускай куорат дьаһалтата аҥардастыы политиканан үлүһүйбүтэ туохха тиэрдибитин көрдүбүт» 2011-05-12 01:36:07 - Ленин болуоссатыгар тахсыбыт миитин |
